Wana Koiola kogokonna kohtun, Wissel, sel 3tal nowembril 1869.

I. Kaibap Johan Rammu omma naise Annega Johan Plakso pääle, et Johan Plakso om temma naist päha pesnu kon tunnistajas pand Ann Kooskora ja Ewa Plakso.

II. Kaibap et pääle kakkeluse ööse om Johan aida luk maha kaksatu ja 4 mõõtu rukki ja 3 üssatset ärra wõetu, mes hommogu takkan otsen wöörmöndre Peter Haidaguga omma Johan Plakso aidast käte saanu, ja nowwap omma naise pesmisse eest 10 ruublit ja üssatsit ja rükki tagasi. 

Johan Plakso wastutas, minna ei tiija ennamb põrehõlla sest kakelussest middagi, sest mina olli selkõrral täüs wiina.

Toisel aidan käümisse eest wastutas, minnol olli 4 külimitu üsatsit küllast korjatu, ja pool wakka rükki üsatse sisen. Mina ei ole mitte Johan Rammu wilja wõtnu. 

Wöörmondre Peter Haidak kes wargust takan otsman olli, and tunistust et Johan Plakso ei ole omma aita mitte muido läbi laskanu otsi, kui ust om maha lubatu löwwa, sis om sisse lasknu. -

Om edimalt üttelnu, siin kottin om(m)a küla üssatse, kui kot om läbi kaetu sis om läutu kõrd üsatsit, tõine rükki, kottin, ja sääl kottal kos se ööse olli walanu, olli aida põrmanda, pääle ja pormando ala maha josnu. 

Mõistetu: Eesmalt, et Johan Plakso esi tunistas henda wiina täüs ollew kakelusse aiga, sis wõise jo kakkelus tulla, kui nii täüs wiina olli et en(n)amb meelen ei ole - see eest saap Johan Plakso 20 witsa lööki.

II. Üsatse ja röa saawa Johan Ram(m)ule tagasi, see põhja pääle, et Johan Plakso hääga aita otsma es lasse, ja tõisest, et taa wöörmondrele tunnist selga üsatse ollew; ent om(m)ete olli kõrd rükki kõrd üsatsit. -

Kuna keagi nii wilja kotti ei panne, ja Johan Plakso pääle ei olle edimane kõrd se wargusse kaibus; enge protokolli ramatu perra jobba mitmes kõrd, - Johan Plakso kaklemisse trahwiga rahhu olnu - ent wargusse trahwiga nõwwap suurembat kohut. 

                Kogokon(n)a kohto wan(n)emb: J Pihho

                Koggokonna kohtomees Peep Tobre  XXX

                      do               do            Tomas Häm(m)släne  XXX

                                    Kirjotaja P. Black