Wana Koiola kogokonna kohtun, Wissel, sel 22 dezembril 1869.

Werro Kroono metsaherra kirja pääle, sel 31tal julil 1869. sub N 215. saije kroono metsast haina tegemise perast ette kutsutus Ado Johani tütrek, kumma eest tema peremees nimega Johan Keerd ette tulli, ja wastust and et tema tütrek om oma niudo päält kotti haino täüs põimnu, ent kodo tullen om mõtsawaht temale tee pääl kroono metsa sisen wasta tulnu zirpi käest ära wõtnu ja kroono metsa alt sega tema haina wargas tennu.

Mõistetu: Seperast et Johan Keerd haina nink karja maa kroono metsa takkan om, mispääle tee kroono metsast läbi lät. Ent et üttegi tunistust ei ole, kas ne haina omma kroono metsa alt poimetu sanu, nisama ei olle ka määratsegi ameti mehest seda kurja töö lastu üle kaeda, nink et Johan Keerd ommast niidost ne haina ka wõisewa olla  - seperast jääp kaiwataw Johan Keerd tütrek sest nõutu haina warguse trahwist prii. -

                               Kogokonna kohtowan(n)emb: J Pihho

                                    do             kohtomees          Tomas Hämalane

                                   do                       do                 Peep Tobree

                                               Kirjotaja P, Black

                                                                                                         #

Wõrro Kroono metsa herra kirja pääle, sel 31. julil 1869. N 215. saije kroono metsast haina wargusse eest Soe Ado nink Alexander Tilp ette kutsutus.

I. Alexander Tilp and esi tunistust, et tema om säält paari kotti täüt teinu, ennamb mitte, ent et Aado Kuus om ka olnu.

Aado Kuus and wastust, et temma ei ole olnu ei ka saalt kroono metsast haino tennu. -

Mõtsawaht Jakob Wreemann ei wõi ka määrastki tunnistust anda et tema Ado Kuust oles sääl nän(n)u.

Mõistetu: Et Aado Kuus üle märastki tunistust ei ole, et ta kroono metsa alt oles haina tennu oma lubaga seperast jääp tema sest nõutu haina warguse trahwist prii. -

Alexandre Tilp oma tunistuse pera, et ta kats kotti täut haina oma lubaga ten(n)u; ent et tem(m)al minkisugust warandust ei ole seda kahjo täwweste tasoda, saap tema  15 witsa lööki, ja kõwwaste karistetus, nink keeltus, et ta edespidi ennamb seda ei tee, nink om weel 1 rbl haina kahjo tasomises masnu. 

                         Kogokonna kohtowanemb: J Pihho

                                             Kohtomees        Peep Tobree                       

                                                         do            Tomas Häm(m)aläne

                                                       Kirjotaja P. Black.