Wanna Koiola kogokonna kohtun, Wissel, sel 5 januaril 1870.

Kährist Ann Walz kaibap oma eestsaisja Jaan Walzga, et Mihkel Puistaja om temale latse soetanu, ent nüüd ei tahtwat se latse esa midagi selle latse kaswatamises anda. Sis nõwwap se kaibaja Mihkel Puistaja käest 100 rubl.

MIhkel Puistaja and wastust mina ei ole teda kunagi man manu, weel sedawähemb teda putnu, ja ei tiija ka kes temal sekordse latse soetanu, sest sel An Walz´il ollew joba se kolmas häu lats. -

Ann Walz ütles, et Mihkel Puistaja teda edimalt wäikon kostre aidan kiusanu sääl wägise teda ära narnu - tõist kõrd lin(n)o aijen wae kombel sedasamma tennu - nink kolmat kõrd kooban ka nisamma jälle. -

Mihkel Puistaja and seletust, et kui ma edimalt tema käest wäe kombel oles kiusanu, sis woino ta seda joba kellegi ülles anda, kas kogokonna kohtotule ehk wallawalitsusele - sest ta ei ollew teda kunagi kiusanu, weel sedawahemb putnu. 

Nink et sügise aastaig tagasi om An Walz ütte potsepaga, ke sääl töön olnu ütten maganu. -

Mõistetu: Et An Walz esi awaldas Mihkel Puistajat ega kord henda man käuwat wägise, kuna se wõimalik ei wõi olla; kui edimalt Mihkel Puistaja wägisi käwe, sis piddi An Walz kui wõõrast ja riisjat awalikult kas peremehele ehk walawalitsusele ülesandma; pälegi es ole see ediamane mano minek, kuna täl joo enne wäära latsi olli tõisi olnu, mes sest asjast wälla tulle, olgu ka et wägisi - aga Mihkel Puistaja ei an(n)a määrastki tunistust, et ta totteste se latse esa oles, nink ei ole ka märastki kõwwemat tunistust se asja üle - seperast jääp Mihkel Puistaja § 948 perra sest 100 rubl nõudmisest ja latse kaswatamisest üle ültse prii. -

                           Kogokonna kohtowanemb: J Pihho

                                   do          kohtomees     Peep Tobree  XXX

                                    do                   do          Tomas Hämalane

                                Kogokonna kirjotaja P Black

Protokoll - 7 januar walmis tettu, nink uttel moistmisest 8 paiwa sissen peap wälja woetus saama. -