Wana Koiola kogokonna kohtun, Wissel, sel 5tal januaril 1870.

Adiste koolmeistre Mihkel Sabre kaibap oma sulase Märt Kuruson pääle - nisama ka Johan Plakso pääle et Märt - warastanu 12 naela rabamata lino nink lao pääle haino sisse käknu - esi ära tunistanu - kats kõrd enne seda joba Johan Plaksole weenu - ja sedda 12 naela ka lubanu wieja. Nink ütlep et sääratsel kombel wõiwa ka mino lina rabaten wiimatse ära kauda ja nowap 10 rubl. kahjo tasomist. -

Märt Kuruson wastutas ma ei tiija kost se meel minole tulli, mina ei putu kellegi asja, ent Johan Plakso nõudse mino käest, kes sääl lähketsel kodapolik om, seepääle wõtti mina ne lina ja panni lao pääle, et tema oles henda poole ära weenu, ent mina muud ei ole nänu, üts kõrd olli naine nink tõistkõrd Johan esi linno rabaman, sis wõttiwa kumbgi kats kolgarid esi.

Johan Plakso wastutas, et mina ei ole enamb ta lino warastanu kui Märt Kurusoon esi and mulle ütte kolkme, ent tõist kõrd wotti mina esi tõise .......

Mõistetu: Et se kogoni Märt Kuruson oma suu läbi selge - et ta lino warastanu ja lao pääle pandnu warguse tarbis - seeest saap ta 10 witsa lööki, ehk massap

2 rubl neide löögide eest walla ladikohe  -  Ent Johan Plakso, kui eggane warras ja protokolli perra tihti trahwitu warguse eest ja ütte  kolme sest wargusest awalikus andnu, siski massap tema Mihkel Sabrele kahjo tasomist nink aja wiitmise eest 3 rbl. 

                               Kogokonna kohtowanemb: J Pihho

                                  do              kohtomees:      Peep Tobree  XXX

                                  do                      do               Tomas Hämalane   XXX

                                           Kirjotaja P Black