Wana Koiola kogokonna kohtun, Wissel, sel 23tal weebruaril 1870.

Peter Kattai kaibap Johan Hütt pääle, et se tema kaest luudse lina ostnu; lubanu massa 34 1/2 rubl, ehk neist linost tagasi, nipaljo kui see raha tasa saap - 3 rubl. ega puna eest lubada, ent ei ole enamb lina saano, kui 9 leisikat 5 naela, sis jääp se wahe 6 rubl 60 kopkat nink Peter Kattai nõwwap seda raha Johan Hütt käest tagasi. 

Johan Hütt wastutas mina es wõtta neid linno mitte ostmise wiisi, enge tema wõtte joba oma lina tagasi, et ma enne tema lina rabaja olli. Neid lin(n)o ei ole enamb kui nagel sanu, kui ülewel nimetet, ja nõwwap Peter Kattai kaest rabamise eest 3 rubl 60 kopk. ja 50 kopkat, mes liigos andnu. 

I. Peter Kattai pand tunistajas Hindrek Kiik, ke tunistust and et ta Peter Kattai nink Johan Hütt lina rabamise kaubast midagi ei tiija. -

Seda om ta enne kuulnu et 34 rubl. 50 kopk om neide jut olnu. -

Johan Hütt wastutas, et kui mul oles raha massa olnu, sisära tulno Peter Kattai mino maija rööwli kombel neid linno käest ära küskma, nink ostma - mis man ta mino naese hirmsal kombel ära pesse, ke tälle ei ole tahtnu lin(n)o wälja anda, päle selle lahengu ke lina wägise ära weenuku - nink nõwwap oma naisega kaklemise eest nink terwuse raiskamise pääle - 5 rbl. 

Peter Kattai pand tunistajas Johan Kurwitz, ke otsustas, et ta käsinik selle kauba man olnu, ne lina ka 34 1/2 rubl eest müüdu. -

Mõistetu: Johan Hütt peas kül se raha masma 34 rubl 50 kopkat, et selge om et ostetus lina saiwa. Ent selle et Peter Kattai om wägese länu Johan Hüttu ello neid lino riisnu, nink naest nink latsi pesnu kakelden - nink Johan Hüt ei sa ka oma lino rabamise eest midagi selle, et kauba man raha ära es massa nink lina wälja tulek sest kaubeldu hinast paljo wähemb om.

Kumbgi ei ole selle kohto otsusega rahu. Opusleht mõlembile katte antu.

                                  Kogokonna kohtowanemb: J Pihho

                                       do               kohtomees    Tomas Hämalane

                                      do                          do          Peep Tobree 

Protokol sel 28 weebruaril wälja antu Johan Hütt, P Kattai.

                                                 Kirjotaja P Black