Wana Koiola kogokonna kohtun, Wissel, sel 30tal aprl 1870.

Ado Hurt kaibap, et Tilsi möldre Lees om tälle, mitto ja mitto kõrd sõnnu saatnu, et tema kaest tulesi nink Tilsi weski kontrakt henele ära wõttas, kui ta edimatse kutsmise pääle Jacob Hurt ei ole weel lannu, om jälle Johan Leis sõna perra saatnu; wiimate om ka Ado Hurt oma welle Jacob Hurtaga lännu, nink sis om Johan Leis üttelnu, mina woi seda weskit anda kellele ma taha; oma seepääle lepnu et Johan Leis 23tal april 1870 aastal weski Jacob Hurt´ale ära annap, nink wõttp selle käest 100 rubla wasta, mis ette Jacob Hurt 25 rbl käe rahas lepmise aiga sisse masnu. ent nüüd ei taha Johan Leis weskit anda, seperast nõwwap Jacob Hurt kiige kaerahaga koko 100 rubl, ehk weski Jüri paiwal se aasta kätte.

Johan Leis wastutas, tema olnu purjon, nink Jacob nink Aado Hurt olla pääle käünu, selle ollew tema weski ära andnu.

Tilsi Kolga peremehe, Jaan Jäger, Johan Hurt Mihkel Wares nink Peter Keerd ütliwa, et meil ei ole Johan Leis´ka muud kontrakti, kui henda man tettu leping, seperast es tohi tema ka ilma meije teedmata weskit käest tõisele anda.

Jacob Hurt pand tunistajas Johan Pikk ke tunistust and, kui tema sina saanu kui lepingo tegemine olnu, sis olnu koik ära kõneldu, nink Jacob Hurt om 25 rbl kätte andnu, üttelden kui tagasi tahap massap 25 rbl.

Joosep Kingk and tunistust, muud ma es kuule, kui et käe leiwa, sis mas Jacob Hurt 25 rub Johan Leis kätte, mes man weel om(m)a üttelnu, kumb tagasi taht massap 25 rubl.

Mõistetu: Et kats tunistajat ütte wiisi tunistaase, et neide lepping sis katski, kumb ei taha, massap 25 rubl, se om toine kaeraha kõrwale, kui lepingon ütteldu. Seperast massap Johan Leis Jacob Hurtale 50 rubl täämba ära, kui mitte - sis 14 päiwa sissen täämbast arwatu, jättap seda täutmata, sis wõttap Jacob Hurt oma lepngo perra nimetu weski 23tal april s.a. wasta. -      ara mastu.

                          Kogokonna kohtowanemb: J. Pihho

                                do            kohtomees     Toomas Hämalane  XXX

                               do                   do               Peep Tobree  XXX

                                                 Kirjotaja P. Black

Kumbgi ei ole selle kohto otsusega rahu opusleht katte antu.