Wana Koiola kogokonna kohtun, se 30tal märzil 1870.

Tulli ette Peep Tobre Wanaküla Lokko talo Nr 89, suus 19 taadret 23 krossi, ja andse sest talost poole ära oma tütre Liiso Tobrega Johan Sainale, ni et se Liis Tobre Johan Saina tütres, ja wiimate kui ta elap selle maaja perijas jääp, ja peap ka Liis Tobre Johan Sainast ja tema seeaajast naist, nikawwa henda man pidama kui nema elase, sis perip ka Liis Tobre neide perra jäänu waraduse, ni kui üts iholik lats. Kui peas sis Liis Tobre mehe wõtma ja tahap ka esi maaja üle walida siski peap se täüdetu olema mes ülewen nimetetu - Johan Sainale ja tema naisele lubatus saanu.

Maaja, nüüdse sisen olewa waranduse mes parhilla sääl om, jagawa Peep Tobre nink Johan Sainast pooles, mes ka see pool Johan Sainas omas waraduses jääp, mitte Liis Tobrele, nisama saap talo maast kumbgi 9 1/2 taadret mes Liis Tobrel tulep peranduses anda, kumba ta ka peritsep. -

Selle lepingoga om(m)a Peep Tobre nink Johan Sainast rahu.

Seda tunistawa, kogokon(n)a kohtowanemb J Pihho 

                                                    kohtomees     Toomas Hämalane  XXX

                                                    wöörmöndre  Aado Hurt  XXX

                                                              do            Joosep Kurwitz  XXX

                                                                    P Black kirjotaja