Johann Warblane kaibas: "Minna olli hennast 1877/78 aastas koolmeistre Johann Uibopuu manno sullases lepnu nink olli meil palkas leppitu:

omma seemnega külwa: 1 wak keswi

1/2  "  linnaseemnid

1/3  "  hernid

4  "  kartohwlid

1 wakka alla sittamaad

weidi kapsta maad

2 koormat hainu 

3 rubla zuwwa rahha 

pärahha

Päle selle olli minno tütre eest karjusse palka leppitu:

6 rubla rahha nink

20 nakla linnu, agga omma rõiwast piddada.

Minna olli kül sest 6. Januarist kuni 16. Märtsini perremehhe töö mant ärra mis aja sissen minna 4 näddalat haige olli. Et minna nüüd perremehhe aiga wiitnu ollen ei nõwwa minna muud, kui et perremees minno eest pärahha massas. Palka jäi minnol sada:

karjusse palk	600 kop.
16 lamba nahha pesmine	240
1/2 wakkaalla sitta maa eest mis koolmeistrele jäi	500
20 nakla linnu	300
Päraha	500
Üttekokko	2200 kop.

Johann Uibopuu kostis selle kaibuse päle nidate: "Se om õige, et minnol Joh. Warblasele nida paljo palka olli leppitu ent karjusse palkas ei olle minna mitte 20 nakla linnu lepnu, et agga Johann Warblane sest 6. Januarist kuni 16. Märtsini minno töö mant ärra olli, ei tahha minna selle perrast puduwat palka ja pärahha massa. Sellest es olle jut, et karjus talwel minno söögis piddi ollema. 1 Wakkaalla ole minna sittamaad lepnu, nink sedda saab temma ka kätte.  Se ei olle mitte õige, et minna karjust henda mant ärra olles ajanu, enge temma om essi henda tahtmisse perra ärra lännu. 

Koggokonna kohhus om sedda palka rahha hinna alla arwanu: 

1 wakka keswa saak	10 rubla	kop.
1/2  "  linna  "	15
1/3  "  herne  "	3
4  "  kartohwli  "	10
2 koormat hainu	20
kapsta maa	1
zuwwa rahha	3
1 wakkaalla sittamaad	10
pärahha	5	60
Üttekokko	77	60

Et nüüd Johann Warblane omma naisega tenistussen om olnu lähhab ka naisel sellest palkast ossa arwata, ni et Johann Warblase jaos 5 rubla palka ennamb kui temma naisele, se teeb 41,60 kop, arwata tulleb, selleperra Johann Warblase näddala palk 80 kop. wälja teeb. 

Otsus. 

Se koggokonna kohhus om mõistnu, et koolmeister Johann Uibopuu Johann Warblasele masma peab:

Karjusse palk	6 Rbl.	kop.
16 lamba nahha pesmine	2	40
1877/78 aasta pärahha	5	60
13 näddala karjusse üllespiddamine	5
20 nakla rõiwa linnu eest	3	00
Üttekokko	22	00
Sellest Johann Warblase 10 näddala wiitmine mahha arwata 'a 80 kop.	8
Jääb Joh. Uibopuul Joh. Warblasele massa	14 Rbl.	kop.

Se rahha peab 2 näddala aja sissen mastu ollema.

Suremba kohton käimisse sädus ette loetus sanu. 

Päle se om minno tüttar, kes minno perremehhe man karjussen olli, Talwiste pühha aigu tenistussest ärra aetus sanu, ni et minna tedda tollest ajast sani üllespiddanu ollen. 

Johann Uibopuule om Apellation täht sel 15. mail s.a. wälja antus sanu. 

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX