Wana Koiola kogokonna kohtun, se 28tal aprilil 1870.

Kohtomoistmise man olliwa:

                                Kogokonna kohtowanemb Jaan Pihho

                                                  kohtomees        Peep Tobre

                                                    do     do           Mihkel Kurwitz

Kaibap Peter Lutzar Samuel Kopli wasta, et se lubanu oma maaja anda ja nüüd ei ole andnu, sis oles tema peremehes saanu et soldatis minekit es oles olnu; sewasta oles tema weli Jacob Lutzar Samuel Koplile 1/3 omast talost andnu. Kui 5 aastat mööda oles lännu, sis oles Samo Kopli oma talo tagasi saanu. Seperast et Saamo Kopli omma lepingut ei täüda, nowwap Peter Lutzar 50 rubl käerahale kõrwale koigega kokko 100 rubl. -

Samuel Kopli wastutas mina anna kül kui minole peremehe õigus kogoni Jacob Lutzari talost andas, sest muido pea ma kui sulane Jacob Lutzari man se 5 aastat olema. Nink et neide tegemis kaup ei ole enamb kui 5 rub olnu, mitte 50 rubl., kui Peter Lutzar kaibanu. -

Wallawanemb Samuel Harms and üles, et üts talo 12 taadret saap lahastus, ei saa lubatus, kolmanda jao pääle, mes 4 taadret suur.

Mõistetu: Et Peter Lutzaril mite talo ni kui neide kaup om hendal ei ole anda, seperast es wõi tema oma wele taloga kaubelden wahetada, mis üle walla walitsuse poolt luba es ole Samo Koplile leppi:  Päälegi ei wõi määregi kroono walla tallo mis wähemb 24 taadret lahastus saada, seperast peap Saamo Kopli

50 rubl käeraha nink 7 rubl taganuskaupa Peter Lutzarile ära masma, nink ei sa oma wele nihäste kui Samuel Kopli maast midagi. -

Peter Lutzar ei ole selle kohto otsusega rahu. -

Mõlembile kohto otsus kuulutetu, ütlase ka § § 772, § 773, nink § 774 ette loetu, nink opusleht katte antu. -