Laswa mõisa mõtsa waht Jakob Mõõk tulli ette nink tõst kaibust, et kui sel 18 Nowembril püha päiwa Julius Schultz, Ernst Holst, ja Teodor Petrsen Wõrro linast Laswa mõisa mõtsa ilma lubbata jahi päle omma tulnu, nink temma näid selle perrast keelma lännu, sis om Julius Schultz tedda kolm kõrd rängaste maha lönu, kelle päle ka weel Ernst Holst manno tulnu ja ka tedda püssiga eddesi pesnu, kelle päle sis temma naine tälle appi tulnu ent Holst sellele püssi perraga päsisse mulgu lönu, kelle ülle ka Wastse Kasseritza mees Jaan Kallas tunnistada woip, nink nõwwap nüüd, et temma kui ka temma naise terwise ärra omma woetu, näide ülles piddaises egga aasta 72 rubl. koni terwes samiseni massa laske.
Jaan Kallas Wastsest Kasseritzast and tunnistust, et kui Jakob Mõõk neid saksu jahti piddamast keelma lännu, sis om Julius Schultz Jakob Mõka mittu kõrda maha lönu nink pesnu ilma arwamata, ja Ernst Holst om Jakob Mõka naisele püssiga pesnu nink pä sisse hulga lönu, nida et kõik pä werrega olnu ja kõrwast rohkeste werd wälja juusknu; kui nüüd Jakob Mõõk ja temma naine jobba meletumas omma jänu, sis om Schultz weel näide luid ähwardanu purrus tetta, kui keddagi weel abbis peas tullema.
Laswa walla päkohtumees Peter Meltz and ülles, et temma om sedda tappeluse kottust ülle kaenu ja leudnu, et se kottus kik ärra olnu sõkkutu, nink werrine ja naisel olnu kõrwast rohkeste werd sooknu, nink mõtsa al olnu jahi meeste kui ka penne jälle.
Otsus: et ne eennimitedu tappeluse tõstja Wõrro lina alt omma, ja pälegi püha päiwa innemise pesnu, kui terwisi rikmist ette om tulnu, sis sedda asja ütte Keiserliku Wõrro makohtu kätte mõistmises sisse sata.
Päkohtumees
kohtumees Jakob Eichorn
" Peter Päss
Kirjotj.:J.Kirrop
Laswa mõisa mõtsa waht Jakob Mõõk tulli ette nink tõst kaibust, et kui sel 18 Nowembril püha päiwa Julius Schultz, Ernst Holst, ja Teodor Petrsen Wõrro linast Laswa mõisa mõtsa ilma lubbata jahi päle omma tulnu, nink temma näid selle perrast keelma lännu, sis om Julius Schultz tedda kolm kõrd rängaste maha lönu, kelle päle ka weel Ernst Holst manno tulnu ja ka tedda püssiga eddesi pesnu, kelle päle sis temma naine tälle appi tulnu ent Holst sellele püssi perraga päsisse mulgu lönu, kelle ülle ka Wastse Kasseritza mees Jaan Kallas tunnistada woip, nink nõwwap nüüd, et temma kui ka temma naise terwise ärra omma woetu, näide ülles piddaises egga aasta 72 rubl. koni terwes samiseni massa laske.
Jaan Kallas Wastsest Kasseritzast and tunnistust, et kui Jakob Mõõk neid saksu jahti piddamast keelma lännu, sis om Julius Schultz Jakob Mõka mittu kõrda maha lönu nink pesnu ilma arwamata, ja Ernst Holst om Jakob Mõka naisele püssiga pesnu nink pä sisse hulga lönu, nida et kõik pä werrega olnu ja kõrwast rohkeste werd wälja juusknu; kui nüüd Jakob Mõõk ja temma naine jobba meletumas omma jänu, sis om Schultz weel näide luid ähwardanu purrus tetta, kui keddagi weel abbis peas tullema.
Laswa walla päkohtumees Peter Meltz and ülles, et temma om sedda tappeluse kottust ülle kaenu ja leudnu, et se kottus kik ärra olnu sõkkutu, nink werrine ja naisel olnu kõrwast rohkeste werd sooknu, nink mõtsa al olnu jahi meeste kui ka penne jälle.
Otsus: et ne eennimitedu tappeluse tõstja Wõrro lina alt omma, ja pälegi püha päiwa innemise pesnu, kui terwisi rikmist ette om tulnu, sis sedda asja ütte Keiserliku Wõrro makohtu kätte mõistmises sisse sata.
Päkohtumees
kohtumees Jakob Eichorn
" Peter Päss
Kirjotj.:J.Kirrop
