Wanna Koiola kogokonna kohtun, Wissel, sel 11tal mail 1870. -

Olliwa koon: Pääkohtomees Jaan Pihho

                        Kohtomees      Peep Tobree

                                do              Toomas Hamalane

Johan Piho kaibap - tema poig Mihkel om henele Wahtse Koiola walda peris platsi ostnu, mis pääle tema oma lubaga elajid ostetu platsi pääle weenu, kuis seda wõise tettus saada, kui wara weel ära jaetu ei ole.

II. Olla tema poig Mihkel teda touganu, kui ta keelma lännu, et elaja mitte ilma tema lubada es peas wanast maajast wiidama. Tahap poojast ära lahkuda, nink nooremba poojaga seda Wanna Koiola kroono walla maija pidada, nink wanembat poiga ära ajada.

Mihkel Piho and wastust, 40 aastat ole ma wana, ole sen maajan 10 aastat peremees olnu, nink esaga kokko seeni elanu, nüüd nakap nooremb weli rekrudi ealises saama, seeperast otsip esa minoga kiige sugust tülli tetta et ta minno ära saas aajada nink norembale poojale maija anda. Temma pessis suure ree malgaga mino hobesit, mes ette pantu olli. Kon ma pääl iste, kui ma teda keeli,tahtse mule ka seesama malgaga lüwwa, kui ma malga ara wõtti, tougas ta minno, nink mina ei ole tälle kõige wahemb ten(n)u, seda wähemb weel löönu.

Elaja ole ma ostetu platsi pääle weenu, mes mo oma olli.

Maija ei anna mina seeperast mulle ära, et ma Wahtse Koiola walda suure wõlaga, sinna platsi oste, sest minol om esi 3 poiga nink üts tüttar seeni aajani weli nink sõsar ja esa emaga ülespitta, seda hulka rahwa perast ole ma se platsi ostnu, et kergembast üles pidamist saas.

Ent nüüd wõttap esa aida wõtme käest ära, ei anna perele, ei ka hendale sööki, nisama ka põllu seemnid ja tahap maad külwamata jätta.

Keskmane weli Johan om jo jago mino käest saanu tol aajal kui ma peremees olli, esa ole ma lubanu emaga seeni pitta kui na elawa ilma et ma neid töho sunni. -

Mõistetu: Et Mihkel Piho om 10 aastat peremees olnu, mes walla massu raamatist egast paigast nätta ja 23tal april 1865 aastal täwweste Wana Koiola kogokonna kohtust peremehes üles wõetu, nink sel 20 octobril 1865 Keisril. Kroono moisa walitsusest Kadaja tallo Nr 16, suur 7 taad 57 grossi - peremehes kinitedu, ei sa tema esa Johan Piho oma nooremba poojale mitte seda tallo, ei ka henele - saap oma pooja Mihkel käest seeni ülespidamist kui ta elap. Ent Mihkel Piho peap noremba wele nink sosar ni kawa pidama kui na täusealises saawa, nink jago?.

Nink sellegi perast oma toist ostetud maaja edesi pidada Wahtse Koiola walda ja kui peremees üle katte maaja walida - nink oma endist Kroono walla Kadaja tallo kontrakti peralisel kõrral walita. -

Moistmine kuulutetu, nink selletus kohtu kaujile suuremba kohto käümise saadus § 772, 773 n. 774. perra ette pantu.

Johan Piho kuulut et ta selle kohto otsusega rahu ei ole, pallel protokoll walja, mes ka anda lubati.

                      Pääkohtomees; Jaan Piho

                           Kohtomees:  Toomas Hämalane  XXX

                                do               Peep Tobree  XXX

                                 Kirjotaja P Black