Tulli ette Ado Põrk perremees, ja kaibas, et temma tellnu tüdruk Marri Rüntats,kes mödalännu aastak tenna man tüdruk olnud, kas se ajastajas henda mannu tüdrukus, ja saanu käe rahha jobba enne küündle päiwa kätte, mis temma külmitte essi tüdrukul kätte andnu, waid temma tüttar Marri ka nüüd lännu Marri Rundats ärra, ja ei olle mitte tema manu tüdrukus jäänu, se kats Rubel,mis Ado Pork tüttar Marri temmale ütlep andnu ollewa, ei olnud mitte käe raha, waid Ado Pork tüttar Marri andnu so 2 Rubl selle perrast temma kätte, et nema lännu perremehega Walka lina, et tema säos temmale sis üts undruk ostas, Walga linan wõtnud Ado Põrk se 2 Rubl tema käest ära ja ostnu temale poole saapa, mis temmal weel tenitu aasta palgast saada olnud, ja andnu temale ka weel palgarahhast puuduwa kolm rubla kätte, ni et temal nüüd oma tenitud aasta palk käen om ja käe rahha mitte sanud ei olle.

Kutsuti ette Ado Pork temma üttel, et temma kül Walgan wõtnud temma käest 2 Rubla, agga perrast jälle kolm rubla asemele andnu.

Tulli ka tema tüttar Marri ette ja üttel, et tema andnu kül tüdrukul Marri Rüntats 2 Rubla käe rahha kätte enne küündle päiwa ja tüdruk lubband wanna palgaga neide mannu jääda. 

Kutsuti ette tüdruk Marri Runtats kes nüüd Widriko wallan ellap ja küssiti, mis perrast tema ära lännud, temma üttel, et tema mitte maupa ei ole tennu ja mitte lubano neide mannu jääda ei ka käe rahha mite saanud.

Mõistus: Et tunnistust ei ole (ja päälegi Ado Pork mitte essi käe rahha andnu) kas tüdruk Marri Rüntat tõeste käe raha saanud, sest et Ado Pork ka ütlep, et tema essi mitte käe rahha andnu ei olle, sis mõistap kohus seda protsessi tühja.

Mõistus saije kuulutud paragrahw 773, 774 selletamisega 

Ado Pork ei olnud rahhu waid pallus protokolli saije temmale lubbatud ja säduslik õppetuse leht wälja antud.