Wana Koiola kogokonna kohrun, Wissel, sel 11tal mail 1870.

Man olliwa Paakohtomees Jaan Piho

                   Kohtomees       Toomas Hämalane

                        do                  Peep Tobre

Mihkel Kirristaja kaibap, et tema esa Jaan Kiristaja teda ära tahap ajada ilma et minkisugust maajast annap, ja nõwwap et kogokonna kohus seda asja seletas ja  mõistas. Annab üles et tema joba seest aajast peremees, kui ta naise wõt, sis om esa lubanu temale täweste maaja, - nink maaja kraam; kuna mino esa sinna maija Kiuma wallast tulli, kui ema ära kooli, nüüd nakkap esa minno ära aajama. -

Jaan Kirristaja wastutas, selle aaja mina pooja ära, et ta minno sõimas, ja nõud ilma kohtu otsuta protokoll wälja. -

Mihkel Kiristaja pand tunistaja Ado Warres. -

Ado Wares and tunistust, kui mino sõsaremees Aadam Härmitz ära kooli, sis jäi maaja ja maaja ellaja ja waradus maha, ilma et wõlga neil oles olnu, sis tulli Jaan Kiristaja Kiumast toise mehes, kelle ainus poig nüüd Mihkel Kiristaja om. 

Mõistetu: Et se selge om et Mihkel Kiristaja emal see maaja olli, niisama maaja kraam nink sel 2 octob. 1865 Tarto Kroono mõisa kohtust ka Mihkel Kiristaja peremehes ära kin(n)itedu, nüüd taht esa kogoni ilma warata ära ajada seperast, et Mihkel Kiristaja joba wiis aastat kinnitedu peremees olnu - perip ta oma maaja mes emast maha jäänu kui perija.

Saab seeperast jaos 1 hobene, 1 lehm, ilma naise lehmata, 1 lammas 1 zigga, 1 wankri, 1 padda 2 waka keswi, seemend 8 wakka kaaro, 10 waka kartohwlit, 1 wak lina seemend, peap omale esale toit andma, seeni kui ta elap; - muido kraam ehk mes sest üle perip ka esa. -

Se mõistmine kuulutetu, nink seletus kohtokäujile suuremba kohto käümise säädus § 772, 773 n. 774 perra. -

Jaan Kiristaja kuulut, et ta selle kohto otsusega rahu ei ole, pallel protokoll wälja, mes ka lubati.

                                 Kog. kohtowanemb Jaan Piho

                                            kohtomees    Peep Tobree

                                                 do              Toomas Hämalane

                                                   Kirjotaja  P. Black

Jaan Kiristajale, sel 12 mail protokoll wälja antu.