Wanna Koiola kogokonna kohtun, Wissel, sel 25tal mail 1870. -

Man olliwa kogokonna kohtowanemb: Jaan Pihho

                                        kohtomees       Peep Tobree

                                        kohtomees       Toomas Hämalane

I. Mihkel Haidak kaibap, et mina lätsi 1sel mail Mamaste külla oma esa poole, kodo tullen tulliwa kui mõrtsuka paperitse näo een nink rätti pään mulle mano: Jaan  Warres, Jaan Rammu  Peter Kattai nink Tannil Lok, ne wõttiwa minno kinni, ja pessiwa witsuga, mes mina esi lugeda es saa ent neide oma kitmise perra ollew 45 lööki.

Pand Jaan Oina, Johan Kurwits tunistajas, ke seda nännu, neide man om ka Jaan Rööbing olnu. -

II. Kaibap Johan Andreimann, et selsamal õdangul om tahtnu tema Heimaste külla oma lella pooja poole min(n)a kullema, et kas se teeda saanu, kes neide kanga warastanu; tee pääl om tulno Tanil Lok wasta nink üttelnu, mes sina ümbre nakka sinna minema, mine üle joe, wõtse kaest kinni, om Pikka talo peremehe Jaan Pik usaijast läbi minnen, Peter Kattai, Jaan Warres, Jaan Ram(m)u nink Tannil Lokk teda kinni wõtnuwa, mäe ala wenu, sääl edimalt raha otsnuwa taskist, kui seda es löwwa, saapa jalast nink kübara pääst riisnuwa, pääle selle maha tõmmanuwa, sis witsoga neide oma ütlemise, nink mulle kitmise perra 57 löögi löönu, mes ta esi ei ole saanu lugeda. Kübara ja saapa om henele pidanuwa.

Pannep se pääle niisama Jaan Oina nink Johan Kurwitz tunistajas, ke mäe otsan saisnuwa, kui teda pesti - selsamal kõrral om Mihkel Haidak peran teda läbi pestus saanu, neist samast ke teda pessiwa. -

I. Jaan Oina and tunistust, et mina näi mäe alone olli täüs poissa lüwwat õnne, nink ne kaibusen üles antu pesaja olliwa sääl nink et pestud saiwa. -

II. Johan Kurwitz and tunistust, et Peter Kattai Jaan Rammu Jaan Wares, Tanil Lok oma pesnuwa mõlembit.  -

Peter Kattai, Jaan Rammu, Tanil Lokk nink Jaan Wares andwa wastust et meije ei ole kedagi pesnu. -

Mõistetu: Et Mihkel Haidak tõisest külast sina om tulnu, külla pitte luusma nink ka Johan Andreimann, nink Johan Kurwitz ja Jaan Oina, ke ütlewa sääl Pikka talon henda olnu olewat, ei wõi kogokonna kohus seda mõista, et neil henne wahel rahu ei ole, ei puttu pesmine midagi, mes ööajal säratse henne wahel hulknu tegewa, saawa ne neli mes awalikus saanu egaüts 25 witsa lööki. - Nee kea weel neide Jaan Oina, Johan Kurwitz tunistuse pääle ööajal kakelnu, nink pesnu, nimelt Peter Kattai Jaan Warres Jaan Rammu nink Johan Lõiwokenne saawa egaüts 25 wits lööki. 

Selle et neide asi om jo mito kord kogokon(n)a kohtun een olnu, sääratside tükka perast, oma lubanuwa henda parandada, mitte seeni aajani ei ole sündinu. Ja et ne hulk ööajal ümbre jooskja, kellel jo toine kakkelus ja lärm saaratsen saman asjan täämba een om, ja ei luppa osast henda pessa laske, ei wõtta kogokonna

 kohus, wagiwaltselt seda tetta, enge pallep Keisriliku V. Tarto Kihelkonna kohut, et ne saassi säädusse peralisel korral trahwitus, selle et kogokon(n)a kohtul wanutamise oigust ei ole es woi ka seperast tunistaja Johan Kurwitz, Jaan Oina nink Jaan Rõõbing sest süüst walja arwatus saada. Niisama om ka Põlwa opetaja G. Schwartz ütte kirja läbi jo pallelnu - et saarne asi saas kuigi waigistetus. -

Kohtu kaijil otsus kuulutedu suremba kohto säädus § 772, 773 n. 774 per. seletu.

                      Kog. kohtowanemb: J. Pihho

                               kohtomees        Peep Tobre  XXX

                                      do                Toomas Hamalane  XXX

                                           Kirjotaja P. Black

Johan Andreimann kuulut sel, 26tal mail et ta sell kohtu otsusega rahu ei ole, pallel protokoll wälja, mes ka nüüdasama om antu, kumb jo muidogi kogokon(n)a kohto palwe pääle Keisrl. V Tarto Kihelkona kohtu kätte se asi otsusdada antu. 

                                                           P Black  kirjotaja.