Vana Koiola kogokonna kohtun, Wissel, sel 25tal mail 1870.

Man olliwa kogokonna pääkohtomees Jaan Piho

                         do              kohtomees    Toomas Hämalane

                         do                     do            Peep Tobre

Peter Pikk kaibap: wana kreiskohtomehe Peter Piho käsu pääle raije mina ütte hällu maha, mes Mammaste poisi, ilma kelliga lubata olliwa tennu, mespääl joba mino lella pooja Johan Pikka jalg saije  katski murtus; kui seda poisi teeda saanu olliwa nelli parki ega tee nuka pääle henda kokko kogonu öö ajal, kui ma rendi masmast oles länu, sis oles ka kinni minno wõtnu, nink pesnu.

Kui ma seda teda saije es tohi ma kodo mina, es läpe ka to kõrd renti massa nink lätsi oma lella pooja peremehe Jaan Pika poole ööses; selsamal ööl om Johan Loiwoken(n)e ütte sure kiwiga mino tare aknast sisse wisanu, mis odwalt mino naise pääst om mööda joosnu. Kui ma seda hommogu teeda sai - perast seda üts kord tulli Johan Loiwokene Wisse, nink saime koko, kon ta mulle uttel, wõtta 80 kopkat nink lepume ära, seest wõit sa kats aknat saija - nõwwap 5 rubl kajo eest.

Johan Loiwokene and wastust, mina ei ole lubanu leppu, ei ka aknat sisse löönu, ei ka pallelnu - üttel weel sis määku mino käe maha kui ma seda ole tennu, mina woi kümme kõrd iho alaste see üle wannu. 

Kui se asi kohto een olli nink Peter Pikk käest nõutus saije protokolli üles wõtmise perast - üttel Johan Loiwokene kogokon(n)a kirjotajale, mis sina sest kõnelet sina luku lahkja - ega sinagi sest asjast puhas ei ole.

Mõistetu: Et selle asja eest määrastki tunistust ei ole, jääp Johan Lõiwokene sest prii. -

Kogokonna kohto käujile otsus kuulutetu nink suuremba kohto käumise säädus § 772, 773, n 774 perra seletetu.

Peter Pikk kuulut et ta selle kohto otsusega rahu ei ole, pallel protokoll wälja, me es sa lubatus. -

                        Kogokonna kohtowanemb: Jaan Pihho

                                             kohtomees       Peep Tobre

                                             kohtomees       Tomas Hämalane

                                               Kirjotaja P Black