Wanna Koiola kogokonna kohtun, Wissel, sel 25tal mail 1870.

 Mihkel Kais kaibap, kui tema lännu, sel 27tal april õdangu peremehe Jaan Pikk poole henele naist kullema, ku tema sääl tütreku magausen sisen olnu, omma sisse tüknuwa Peter Kattai, ke teda edimalt kõrwa pitte pesnu, kübara pääst nink saapa jalast kisknu, man ollen rüselden põlwiga rindo tuupnu, nink kõlgusest wälja moro pääle wedanu, kon täl weel abimehe Johan Lõiwokenne, Tannil Lokk nink Jaan Rammu olnu, sis oma ka weel ne moro pääl üten kiik teda hirmsal wiisil

Johan Plakkile oma na seda samma ten(n)u, keda tema hendaga ütten pallelnu. -

Panep seeperast Märt Kalk Wisse kõrtsimees tunistajas, kelle käest ta oma saapa nink kübara 2 rubl eest wälja lunastanu. 

II. Johan Plak kaibap ka, kui Peter Kattai Johan Lõiwokenne, Jaan Rammul nink Tanil Lokk, temal saapa edimalt jalast maha kisknuwa nink raha küsinuwa ja karmani läbi otsnuwa, nink kübara pääst riisnuwa, om tahtnu palja jalo nink ilma kubarata kodo nakkata tulema, sis om(m)a kiik ne nimetetu saagi tahtja nink riisja tälle takast tee pääl järgi tulno, kinni wõtnuwa, kaska üle pää tõmmanuwa, nink witsaga pesnuwa mes ta lugeda ei ole saanu, ent neide oma kitmise perra ollew 77 lööki andnu, mes Peter Kattai, sepale Peter Kurwitzele nink Jaan Masikel üttelnu. Saapa nink kübara omma Mihkel Kaiso saabaste nink kübaraga üttelise

 kõrtsi joogi ette pantis pandnuwa nink ka neide pääle 2 rubl soownuwa, ni et sis neide riismine mes kõrtsist se kõrd pruuknuwa 4 rubl mas, kuma est Mihkel Kais 2 rubl nink Johan Black 2 rbl masnu, nink panep seperast Märt Kalk kõrtsimehe tunistajas, ke nägi kes ne saapa kõrtsi tema kätte weije et ka ne pesja, ehk riisja omma.

Noudwa Mihkel Kais nink Johan Black, et na trahwitus saawa, nink oma roiwaste pandi hinna kätte.

Peter Kattai, Johan Loiwokenne Tannil Lokk nink Jaan Rammu wastawa et na ei tiija sest asjast midagi, nink ei ole ka sel kõrral külan käünu. -

Kõrtsimees Märt Kalk and tunistust et saapa kõrtsi tooja omma olnu Johan Lõiwokenne, Jaan Rammul, Peter Kattai, Tannil Lokk  - omma ka Johan Kurwitza üles ajanuwa, nink tema kaest 4 rubl 30 kopka eest saija söönu wiina nink õllut joonu, kui se om söödu nink joodu, sis oma 2 paari saapit nink 2 kübarat panti pand-

nuwa ni kawwa kui pühapäiwani, ja lubasiwa sis wälja wõtta. Ent Mihkel Kais nink Johan Black om(m)a joo poolpäiwan õdangu wälja wõtnuwa, ent seeni ajani ei ole ta teednu kelle  ne roiwa olli. - 

Nink ne 4 - ütliwa et se om wõls tunistaja, kui kõrtsimees suuremba kohto man wannup, tahame meije se trahw kanda, ennamb kui Johan Kurwitz ütles, et na kül olli, ent mina es tiija sest wõtmisest ehk neist saapist midagi kelle käest, na olliwa wõetu. Johan Kurwitz käest saije küsitus, kelle käen ne saapa olliwa ta ütles et mina ei tiija. 

Mõistetu: Et Mihkel Käis ja Johan Black ütlewa henda Mamaste külan pessa saanu olewat, nink saapa ja kübar iho wiibrilt  riisutu (olewat), ne poisi ära wabandase henda mitte ollew, ei ka saapit ei kübarat kortsi weewat; tahtwa et Märt Kalk peap se üle wandma, jääp kohto otsus andamta. 

Seperast saap Keisriliku V Kihelkonna kohut palleldus et Märt Kalk saas wannutetu, ja sis kiik ne öö joosiko, kes külla pitte riiswa muid peswa nink lärmitsiwa, trahwitus saas. 

                             Kogokonna kohtowanemb: J Pihho

                                                  kohtomees:      Peep Tobree  XXX

                                                  kohtomees       Toomas Hämalane  XXX

                                                       Kirjotaja asemel