Wanna Koiola kogokonna kohtun, Wissel, sel 25tal mail 1870.

Man olliwa kogokon(n)a kohtowanemb  Jaan Pihho

                                          kohtomees       Johan Härmitz

                                                  do              Mihkel Kurwitz

Hans Andreimann kaibap, et tema poole om tulno ütskõrd Moisekatzi mees Johan Palgi nink Aleksander Oinson püssi ostma. Selsamal õdangul om kuus saina hamme rõiwast se om ligi 72 küünart ära warastetu. Perast seda mõni päiw om ta wargust takan otsnu om saanu selle talo lähutelt mõtsast 1 1/2 saina katte, mes olli maha lõigatu, tüki otsast - kon Johan Palgi korterin olli; seperast arwap Hans Andreimann, et kas omma üttine se rõiwa warastanu ehk tõine ütsikult, et neist tõine om. Nõwwap seeperast 15 rubl kahjo tasomist. -

Johan Palgi ei ütle sest wargusest midagi teedwat, Aleksander Oinson om temast jäänu Wisse kõrtsi maha, ei tiija ka seda kuis ta kodo om saanu.

Aleksander Oinson wastutas tema om jäänu Johan Palgist maha Wisse kõrtsi om kodo minen tolpool Himmaste külla, öö joognu olnu, ei teedwat rõiwa wargusest midagi.

Hans Andreimann and üles, et Moisekatzin selle peremehe pool kon Johan Palgi teenman, om hau riida sisen kats kerra rõiwast ära palotetu mes täl teedmada kuiswärki see tulnu. Johan Palgi wastutas, et Moisekatzi peremehe Joosep Koosapoig pool hau riida sisen om kül kats kera rõiwast ära palanu, ent seda palama minekit ei tiija tema üttelda, kelle läbi see sündinu, nisama ollew ka temal teedmata, kel se rõiwas olnu, mes hau riida sisse ära palanu.

Mõistetu: Et kost Hans Andreimann oma rõiwa sest talo ligi kon Johan Palgi olli, kätte saanu, nink nisama ka Aleksander Oinsonga ütten too kõrd sääl olnu kost rõiwas warastetu, massap kumbgi 350 kopkat Hans Andreimannile kahjo tasomist s. om pool kahjo; sest et säält talost omete muud seda rõiwast es woi waras-

tada kui ne kats seltsimees, mes 14 wersta wahet kost osast wargusest üles löutu. -

Täämatsest paiwast nelja nadali sisen ära massa. -

Kohtokaujile otsus kuulutedu, suuremba kohto käümise säädus § 772, 773 nink 774 perra seletetu.

Hans Andreiman(n), Johan Palgi nink Aleksander Oinson kuulutiwa et na selle kohto otsusega rahu ei ole enge tahtwa suurembat kohut käwwa, pallesiwa protokoll wälja mes ka lubatus sai.

                                            Kohtowanemb: Jaan Pihho

                                              Kohtomees      Johan Härms

                                                   do                 Mihkel Kurwitz

                                                   Kirjotaja P Black

Sel 27tal juunil protokoll Hans Andreimann katte, nida kolme nimel wälja antu.