Wana Koiola kogokonna kohtun, Wissel, sel 25tal junil 1870.

Man olliwa, pääkohtomees Jaan Pihho

                          kohtomees  Johan Härms

                         do      do        Mihkel Kurwitz

Peter Haidak kaibap, et Mihkel Tolk om karjaga söötnu ütte poole wakka maad riisthaina temal ara - nowwap selle eest 1 koorma haino hind 6 rubl kahjo tasomist. 

Küla karjus Mihkel Tolk saije ette kutsutus - ke üttel et peremehe ema käsknu temal seda tetta. Jacob Haidak üttel esi kogokonna kohto man et nema oma karjussel sööta käsknuwa. Seepäle karjus Mihkel Tolk prii lastu nink peremehe wastutamise ala wõetu.

Peremehe  - Hans Mäots, Jacob Haidak nink Jaan Mäots wastutiwa et nema selle oma lasknuwa see riisthain sööta et karja maad Peter Haidakul ei ole - utliwa et kui meije trahwi massame, sis ei lase meije Peter Haidaku elajit enamb omma karja. 

Mõistetu: Et nimelt kolm peremeest: Hans Mäots, Jaan Maots nink Jakob Haidak esi tunistiwa, et na käsknuwa karjusel sööta maswa egaüts 1 rubl Peter Haidakule, ja ei tohi mitte Peter Haidak elajid karjast wälja  tõugata, kelle maanoori toistega segi omma. Kui seda ette tule et nema karja utte ei lase sawa kui masja see üle trahwitus. 

Se mas Peter Haidakule olgo katte nädali sisen, täämbatsest arwatu - mastu. -

Kohtokaujile otsus ette loetu, suuremba kohto kaumise saadus § 772, 773 nink 774 perra seletetu. -

                                   Kohtowanemb: Jaan Pihho

                                   Kohtomees        Johan Härms

                                        do                   Mihkel Kurwitz

                                                  Kirjotaja P Black