Wana Koiola kogokonna kohtun, Wissel, sel 3tal augustil 1870.

                                                                                                            Nr. Nr  cupio

Keriko wöörmöndre Herra von Müthel kaibus Aado Sõrrason pääle - keriko tee soitmise man kõwaste aajamise nink sõna kuulmata oleki eest - Wisselt kuuni Hükko kõrtsi mano, kui wiimate wöörmöndre herra tema nime nõudnu sis om ilma tahele pandmata wiisil et ta seda oles kuulno ära tulno ütelden wana Piho jo käsk mul kowaste aajada.

Aado Sõrrason wastutas, min(n)o es keela keaki kõwaste aajamast, muud kui õnne wan(n)uti "kurrat, kurat",  sis mina lasi kül kibedast sõita. Kui tema nimme nõus seda mina kül temale es ütle.

Wana Piho tulli ette nink ütel et ta ei ole Aado Sõrrasonle muud midagi ütelnu Wisse kõrtsi man, kui lase minema, mes wöörmöndre herra von Müthel ka esi kuulno.

Mõistetu: Et Aado Sõrason, kui tubli täwe mõistusega mees küla wanemba poolt olli wöörmöndre herra kiutma lastu minna, ei pea tema mitte sõna kuulmata wiisil sõitma, ja weel omma nimme ei ole üles andnu, kost awalikult nätta, et Aado Sõrason awalikult wöörmondre wasta seda kiustu perast tegi - saap see est 30 witsa lööki. -

Kohto otsus ette loetu, kohto kaujile suuremba kohto kaumise säädus § 772, 773 n. 774 perra kuulutetu.

                                  Kohtowanemb: Jaan Pihho

                                       Kohtomees  Peep Tobree  XXX

                                          do              Toomas Hamalane  XXX

                                                                                                                    #.