Wana Koiola koggokonna kohtun, Wissel, sel 3tal augustil 1870.

Man olliwa pääkohtomees Jaan Pihho

                         kohtomees  Peep Tobree

                               do           Toomas Hämalane

Tulliwa ette Jaan Andreimann oma wele Jacobiga, kaibsiwa, et neide esak Peter Aripmann üts rent rendi täht wäärt 50 rubl Jacob Andreimann käest hene kätte wõtnu, kui laste perandus, ent nüüd ei taha tagasi anda - nõudwa seda kätte.

Peter Aripmann wastutas, selle mina ei anna, et Jaan Andreimann minole 103 rubl wõlga om - nink ei anna enne katte seda rent rendi tähte kui se wõlg ära massap; sellewasta ütles Jaan Andreimann ega se paber minole ei puttu se om mino wele Jacobi raha, seda peap esak ära andma. -

Mõistetu: Et Jacob ja Jaan Andreimann welitse nink Jaan Sau majan kui peremees ja üten elawa, saap see rent renti tuht wär 50 rubl siija kogokonna ladikohe seeni kinni pantus, kui tulewa Juripaiwani/ 23 april 1871./ sis saap Peter Aripmann Jaan Jaan Andreimann mant ärä minema, wiimane peap ka edimalt wõla

103 rubl ära masma, sis saawa ladikost oma 50 rublalise rent rent tähe kätte.

Jaan Andreimann kuulut, et rahu ei ole saije protokoll lubatus.

                              Pääkohtomees: Jaan Pihho

                                    Kohtomees  Peep Tobre  XXX

                                    Kohtomees  Toomas Hämalane  XXX

                                           Kirjotaja P Black

Protokoll Jaan Andreimann sel 5 aug wälja wõtnu. -

                                                                                                                    #

Man olliwa: pääkohtomees Jaan Pihho

                         kohtomees   Peep Tobree

                              do             Toomas Hämalane

Koolmeistre Mihkel Sabre kaibap Peter Määots pääle, niisama ka Jaan Wanna tema uibo ollew minewa aasta ära lahknu, mes wöörmondre Peter Haidak üle kaenu, kes ütles et uibol omma kiik ossa ubinidega maha lahoru olnu.

Peter Määots wastutas, mia ei ole seda mitte ei ka Jaan Wanna tennu.

Mihkel Sabre pani tunistajas Peter Kooskora nink Jaan Juhkam.

Peter Kooskora and tunistust kui meije minewa aasta Jaan Juhkami pool olleme sis kutsiwa Peter Määots ja Jaan Wanna Jaan Juhkam´it hendaga ütten üttelden 

"läme nüüd Sabre uibode, sest tema weli om Tartohe ära lännu, koolmeistre esi makkap kooli tarren, kui tema nakkap wälja tulema, sis tege kooli tare us hellu - wõime ära paeta."

Jaan Juhkam and tunistust et Peter Mäots ja Jaan Wanna omma kül tema pool öösel tulnuwa kui jo maatu, nink kutsnuwa teda ka hendaga ütten, koolmeistre uibode; ent toisel hommogul om ka kuulno et uibo ära kistu.

Mõistetu: Et kats tunistajat ütte wiisi wälja üttelnu, et Peter Mäots ja Jaan Wanna omma kurja nõwwo pidanu, neid ka hendaga ubit wargile kutsnu, saawa Jaan Wanna ja Peter Mäots kumbgi 15 witsa lööki. -

Kohtokaujile suuremba kohto kaumise saadus otsust ette lugeden § 772, 773 nink 774 perra kuuludetu.

Mihkel Sabre nink Peter Maaots kuulutiwa, et na selle kohto otsusega rahu ei ole pallesiwa protokolli walja mes ka lubatus saije. -

                                 Pääkohtomees Jaan Pihho

                                       Kohtomees Peep Tobree

                                               do         Toomas Hämalane

                                          Kirjotaja /nimi/ kogokonna kohto wanemb.