Zoru mõisa rendiherra Jacobij kaibas: "Wanna Anzla mees Rein Lanna andse minnole ülles, et Jakob Kulpin, Michel Libert, Maddis Libert ja Peter Libert ollewat minnol ostetu Mustajõesoon ollewa haina kuhja, kummas arwata 100 puuda kalub, ärra warrastanu, middas ka kui sedda kahju ülle kaema sadetus sai, tõtte lõitus om sanu."
Tunnistaja Rein Lanna (Lutteri usko) andse nidate tunnistust: "Minno perremees Michel Libert käskse (ütles) minnole sel 8. Mail s.a. Mustajõe soode minna nink sellest kuhjast mis Ohja Ado Assi Zoru rendiherrale müünu, hainu tuwwa, kui minna kässu päle hainule perra lätsi, lõidse minna, et sellest kuhjast ne haina keik ärrä olli kaddunu." Michel Libert kõnneles minnole, et temma Maddis Libert, Peter Libert ja Jakob Kulpin'ika selle Zoru rendi herra hainakuhja man käunu nink ollewat ne eennimmitedu 3 säält ka hainu toonu."
Tunnistaja Ott Libert (Lutteri usko) andse nidate tunnistust: "Minna kuuldse sel 14. Aprillil s.a. kus Jakob Kulpin, Michel Libert ja Maddis Libert selle Zoru rendiherra hainakuhja ärra toomisse ülle nõwwo piddasi nink olli selle nõupiddamisse man Jakob Kulpin eestwõtja.
Jakob Kulpin sõitse sel 22. Aprillis s.a. õddaku kui maggama minti koddost ärra nink kui minna tõisel hommukul ülles saistasi olli Jakob Kulpin koddon nink olli temmal jõewera hainu todu nink lao päle pantu."
Tunnistaja Isak Lamann (Kreeka usko) andse nidate tunnistust: "Sel 26. Aprillil s.a. kui minna Maddis Liberti manno hainu ostma lätsi, ütles Maddis minnole, et temmal mitte hainu ei ole, enge andse sedda nõu, sedda kuhja Mustajõe soost, mis Ohja Ado Assil om (Zoru rendi herrale ärra müünu), ärra tuwwa. Sedda samma ollewat Maddis Libert ka minno koddon üttelnu."
Kaibadaw Michel Libert andse selle kaibuse päle nidate kostust: "Lihhawete pühhade aigu üttel päiwal olli Rein Lanna, Maddis Libert, Ott Libert, Jakob Kulpin, David Wernik ja mõnne sullase poisi minno tarre kõrwal nink ütliwa nalja perrast, et se Ado Assi haina kuhhi Musta jõe soost ärra olles tuwwa, sedda juttu allustas Rein Lanna ülles. Minna neid hainu mitte warrastanu ei olle nink ei tija ka mitte, kes neid warrastanu olles. Se om wõls, et minna Rein Lanna käsknu olles, Ado Assi haina kuhjast hainu tuwwa."
Kaibadaw Jakob Kulpin andse selle kaibusse päle nida kostust: "Lihhawõte pühhade aigu üttel päiwal kõnneles Rein Lanna muide innimeste man ollemissel, et Mustajõe soon üts kuhhi hainu ollewat, middas õige ärra tuwwa wõis. Minna olle küll Kilako tallost hainu tonu, ent warrastanu ei olle minna mitte suggugi. Se om wõls, mis Ott Libert minno ülle tunnistanu, sest minna sel õddakul sel 22. Aprillil s.a. es käi kungi, weel wähhemb et minna sel õddakul 11 tunti hainu olles tonu, ehk warrastanu."
Et nüüd Maddis ja Peter Libert täämbatses päiwas mitte kohto ette tulnu es olle, omma nesamma selles 2. Junis s.a. ette tallitada, nida ka Isak Jaik.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Juk Hansi XXX
" Andrus Püwwi XXX
Zoru mõisa rendiherra Jacobij kaibas: "Wanna Anzla mees Rein Lanna andse minnole ülles, et Jakob Kulpin, Michel Libert, Maddis Libert ja Peter Libert ollewat minnol ostetu Mustajõesoon ollewa haina kuhja, kummas arwata 100 puuda kalub, ärra warrastanu, middas ka kui sedda kahju ülle kaema sadetus sai, tõtte lõitus om sanu."
Tunnistaja Rein Lanna (Lutteri usko) andse nidate tunnistust: "Minno perremees Michel Libert käskse (ütles) minnole sel 8. Mail s.a. Mustajõe soode minna nink sellest kuhjast mis Ohja Ado Assi Zoru rendiherrale müünu, hainu tuwwa, kui minna kässu päle hainule perra lätsi, lõidse minna, et sellest kuhjast ne haina keik ärrä olli kaddunu." Michel Libert kõnneles minnole, et temma Maddis Libert, Peter Libert ja Jakob Kulpin'ika selle Zoru rendi herra hainakuhja man käunu nink ollewat ne eennimmitedu 3 säält ka hainu toonu."
Tunnistaja Ott Libert (Lutteri usko) andse nidate tunnistust: "Minna kuuldse sel 14. Aprillil s.a. kus Jakob Kulpin, Michel Libert ja Maddis Libert selle Zoru rendiherra hainakuhja ärra toomisse ülle nõwwo piddasi nink olli selle nõupiddamisse man Jakob Kulpin eestwõtja.
Jakob Kulpin sõitse sel 22. Aprillis s.a. õddaku kui maggama minti koddost ärra nink kui minna tõisel hommukul ülles saistasi olli Jakob Kulpin koddon nink olli temmal jõewera hainu todu nink lao päle pantu."
Tunnistaja Isak Lamann (Kreeka usko) andse nidate tunnistust: "Sel 26. Aprillil s.a. kui minna Maddis Liberti manno hainu ostma lätsi, ütles Maddis minnole, et temmal mitte hainu ei ole, enge andse sedda nõu, sedda kuhja Mustajõe soost, mis Ohja Ado Assil om (Zoru rendi herrale ärra müünu), ärra tuwwa. Sedda samma ollewat Maddis Libert ka minno koddon üttelnu."
Kaibadaw Michel Libert andse selle kaibuse päle nidate kostust: "Lihhawete pühhade aigu üttel päiwal olli Rein Lanna, Maddis Libert, Ott Libert, Jakob Kulpin, David Wernik ja mõnne sullase poisi minno tarre kõrwal nink ütliwa nalja perrast, et se Ado Assi haina kuhhi Musta jõe soost ärra olles tuwwa, sedda juttu allustas Rein Lanna ülles. Minna neid hainu mitte warrastanu ei olle nink ei tija ka mitte, kes neid warrastanu olles. Se om wõls, et minna Rein Lanna käsknu olles, Ado Assi haina kuhjast hainu tuwwa."
Kaibadaw Jakob Kulpin andse selle kaibusse päle nida kostust: "Lihhawõte pühhade aigu üttel päiwal kõnneles Rein Lanna muide innimeste man ollemissel, et Mustajõe soon üts kuhhi hainu ollewat, middas õige ärra tuwwa wõis. Minna olle küll Kilako tallost hainu tonu, ent warrastanu ei olle minna mitte suggugi. Se om wõls, mis Ott Libert minno ülle tunnistanu, sest minna sel õddakul sel 22. Aprillil s.a. es käi kungi, weel wähhemb et minna sel õddakul 11 tunti hainu olles tonu, ehk warrastanu."
Et nüüd Maddis ja Peter Libert täämbatses päiwas mitte kohto ette tulnu es olle, omma nesamma selles 2. Junis s.a. ette tallitada, nida ka Isak Jaik.
Päkohtomees Märt Lüüs XXX
Kohtomees Jaan Treumuth XXX
" Werdi Leinus XXX
" Juk Hansi XXX
" Andrus Püwwi XXX
