Wana Koiola kogokonna kohtun Wissel, sel 31tal augustil 1870.

Man olliwa kohtowanmeb Jaan Pihho

                      Kohtomeees Peep Tobree

                           do              Toomas Hämalane

Kaibap kadonu Hindrek Karik läsk Tiijo oma eest saisja nink nõudse mehe Johan Lutzariga: Kui kadonu Hindrek Käärik omast poojast Petrest ära lahkunu ja temale maaja kikki waraga katte andnu, perast seda ütte waigo aida oma kraami hoita ehitanu, mes ta enne koolmist omale waikole poojale lubanu; ent nuud ei taha poolwelja Peter Käärik seda aita anda, mes see naine nõwwap nüüd kätte saada omale poojale.

Peter Käärik wastutas, selle mina ei anna sest see olli jo wana ait, mes esa ümbre tegi. -

Moistetu: Wallawanemba arwamise perra ke otsust andnu et esa lubamise perra aitaken(n)e wahembale welele peap jääma, mes muidogi weel kohendamist tahap, selle et Peter Kärikile kui wanembale welele maaja nink muu maaja hoone täwweste jääwa ja et see aida kadonu Hindrek Käärik sis om ümbe tennu kui ta wanembast poojast Petrest ära lahku see perast es puttu tema ka enamb maaja hoonete külge nink ei puttu Peter Kaarikele midagi enge jääp selle kelle esa enne koolmistteda lubanu. -

Kohto kaujile otsus ette loetu, nini suuremba kohto käümise saadus § 772, 773 n. 774 perra seletetu.

Peter Käärik kuulut, et tema selle kohto otsusega rahu ei ole, pallel protokoll wälja, mes ka lubatus saije. -

                            Kohtowanemb: Jaan Pihho

                               Kohtomees     Peep Tobree

                                    do               Toomas Hamalane

                                    Kirjotaja P. Black