Wana Koiola kogokonna kohtun, Wissel, sel 10tal septembril 1870.

Eewa Pihho kaibap oma mehe Johan Pihoga et tema wanemb poig Mihkel teda aidan salwe wasta touganu, nii et rinna saanu seeläbi ära löödus, - nõudwa et tema edespäidi enamb seda es tees, et rahu peas olema. 

Mihkel Pihho and wastust, mina lätsi aita seeperast ütlep tema et mina teda leije, tema tahap minoga kiustu ajada.

Et Mihkel Pihho ärra salgap et tema em(m)a löönu - saap seeperast Eewa Pihho käest tunistust nõutus. 

Eewa Pihho wastutas, seepääle, mes tunistust mina anna Jummal om pääkottal tunistaja inemisi sääl es ole.

Mõistetu: Et se awwalik om, et nema kiustun elawa, ja üttegi korwmast tunistust ei ole, jääp see asi seeni saisma, kelden et edespäidi enamb säärast kiustu nink kakkelust ette es tules - peawa rahun elama, nii kawwa kui suurembast kohtust neide maaja nink jao perast otsus tulep. -

Kohtokaujile otsus ette loetu, suuremba kohto kaumise säädus § 772, 773 nink 774 perra seletetu. -

                            Kogokonna kohtowanemb: Jaan Pihho

                                                kohtomees        Toomas Hämalane

                                                      do                 Peep Tobree

                                                 Kirjotaja P Black