Wana Koiola kogokonna kohtun, Wissel, sel 7tal octobril 1870

Man olliwa kogokonna kohtowanemb Jaan Pihho

                                         kohtomees     Peep Tobree

                                                do              Toomas Hämalane

An Plakso oma esa Jaaniga kaibawa, et peremees Johan Haidak, ei ole temale koralisi roiwit teenistusen andnu. - seeperast pernaise ajamise pääle ära lännu teenistusest nõwwap aasta palk lepingo perra - 10 rubl; ehk suwe tenistuse palka.

Johan Haidak wastutas tema ei ole seda näutsikut mitte ara ajanu, tema olla sõna kuulmata olnu, ja esi ära lännu - nõwwap aasta lepitu palga pääle An Plaksot teenistuste tagasi.

An Plakso wastutas, et tema teenistuste tagasi ei lää, perenaine olewat temaga alati tülin, sis ei sa tema tenistusset enamb midagi. -

Moistetu: Et tüdrek ei taha teenistusen olla, niisama ka Johan Haidak naine teda ära ajanu, sest om nätta et mõlembilt poolt tahtmine, toine toise prii saada, seeperast peap Johan Haidak see suwe töö eest 7 rubl palgas masma, nink jääp sis kogoni prii. -

Kohtokaujile otsus ette loetu, suuremba kohto kaumise saadus § 772, 773 nink 774 perra seletetu.

                                    Kogokonna kohtowanemb:  Jaan Pihho

                                                         kohtomees        Peep Tobree  XXX

                                                            do                    Toomas Hamalane  XXX

                                                          Kirjotaja: P Black