Wana Koiola kogokonna kohtun, Wissel, sel 7tal octobril 1870 

Man olliwa kogo kohtowanemb Jaan Pihho

                                 kohtomees   Toomas Hämalane

                                 kohtomees   Peep Tobree

Märt Jaaska kaibap, et tema om Liis Hindrekson henele pruudis kihlanu, 25 rubl käerahas kätte andnu, pääle selle om see tütrek muidega öösel ümbre karanu, seeperast jätnu teda naises wõtmata - nõwwap nüüd 25 rubl tütreko käest tagasi, mes kaerahas andnu. -

Peter Hindrekson, selle Liis Hindrekson weli tulli tüdriko eest ette, kui eestsaisja, et kihlamise aiga raha kätte anden om Märt Jaaska üttelnu - kumb tagasi tahap massap 25 rubl - se om selle antu rahale mano arwatu /kui tudrek tagasi oles tahtnu pidinu 50 rubl masma, ehk peigmehe poolt tagasi tahtmine, sisse antus kae raha kaotamisega/.

Moistetu: Et se selge, et poisi omma peran paari loetust Liis Hindrekson magausen olnu, om asja Mart Jaaskal omma kihla katski jätta - nink kaeraha tagasi perida, sest et se ei ole mitte kauba asi, siski kauba man peap ka weel käe raha tagasi antama kui kaup usutaw ei ole. 

Otsus: Sest 25 rubl. jääp Liis Hindreksonile 5 rubl, selle eest et Mart Jaaska ei ole asja enne haste perra mäletanu ja oma raha tütriko kätte heitnu - 20 rubl olgo täämba Peter Hindreksonil Märt Jaaskale tagasi mastu.

Kohtokaujile otsus ette loetu, suuremba kohto kaumise säädus § 772, 773, nink 774 perra seletetu. 

Peter Hindrekon kuulut, et tema sellesinatse kogokonna kohto otsusega rahu ei ole, pallel protokoll wälja mes ka lubati. -

                            Kogokonna kohtowanemb: Jaan Pihho

                                                  kohtomees       Peet Tobree

                                                  kohtomees       Toomas Hämalane

                                                   Kirjotaja P Black