Wana Koiola kogokonna kohtun, Wissel, sel 3tal nowembril 1870.

Wõrro Kroono metsaherra kirja pääle sel 9tal juulil 1870. Nr 117. et Timo walla mees Hansi Mihkel Wana Koiola Pikka silla Kroono metsa raendikust, metsawaht Hans Rihm jao päält 3 kuisest palki ja 1 roowik ära warastanu nowwap et Hansi Mihkel 2 rubl 29 kopkat trahwi Kroono kassa peap masma.

Hansi Mihkel wastutas mina ei ole üts pind säält toonu, ne palgi ole mina Zolgo metsast toonu, mes Wana Koiola herral ostetu olli. 

Metsawaht Hans Rihm wastutas: temal olli hoone üles tettu, neid mina ei nowwa mitte, ent ne 3 tükku ni kui metsast olli toodu, ja õkwa saina pantu - ne olliwa Wana Koiola metsast.

Mihkel Lauk, kohtomees, kes üle olli kaenu, kui Hans Rihm takkan otsnu, olli Hausi Mihkli ütten kutsnu, ent se oli Hans Rihm soimama naanu ja ei ole kutsmise pääle kando mano ütten lännu.

Mõistetu: Et Hansi Mihkel ei ole Kroono metsa wahi ja oma kohtomehe kutsmise pääle mõtsa kando mõõtmise mano lännu, sest om nätta et tema kõwwer, ja peap täämba se 2 rubl 29 kopk ära masma, mes Kroono kassa saap ara sadetus. -

Kohtokaujile otsus ette loetu, nink suuremba kohto kaumise säädus § 772, 773 nink 774.

                                Kog. kohtowanemb: Jaan Pihho

                                           kohtomees:    Peep Tobree

                                                    do            Mihkel Kurwitz

                                             Kirjotaja P Black