Johann Talk kaibas: "Sel 24. Mail s.a. õddakul kui minna mõisa orja tarre maggama lätsi nink omma särki otsise, wõtse Hans Mendik ütte luwwa hänna, kellega temma minno pähha nink kõrwu päle pesse, enne sedda löös Meos Hommuk minno ütte rihmaga pähha. Perran kui tulli ülles wõetus sai, lõidse minna omma särgi Meos Hommuku külle alt. Minna ei tija selle man üttegi süüdi (pahhandust) tennu ollewat, mis perrast nemma minno nidamodu pesnu.

Tunnistaja Samul Masik (Kreeka usko) andse nidate tunnistust: "Kui Johann Talk sel 24. mail s.a. õddaku omma särki otsis wõtse Hans Mändik luwwa nink löös selle tümmega Johann Talkun ja perran näkkü temma Hans Mändikega ütten unnikun ollewat, ent minna es näe, kas Johann Talk sis ka lödus sai wai mitte. Meos Hommuk löös Johann Talku ka ütte rihmaga. Ne poisi ütli, et Joh. Talku särki mitte maggaus-lawatsin ei olle, kohhes Joh. Talk sedda otsma läts, ent perran sai Johann Talk omma särki siski lawatsist kätte.

Kui mõisa kubjas selle kõrra päle keeldma tulli, ütlesi Hans Mändik ja Meos Hommuk: "Mes sinna sija otsma tullet, kas se sinno assi om, kui sinna weel kangemb siin sissen ollet, sis ween meije sinno wälja."

Tunnistaja Jakob Silm (Lutteri usko) andse nidate tunnistust kui Samul Masik om andnu.

Et Kaibadawa Hans Mändik ja Meos Hommuk nink tunnistaja kubjas Karl Talwik ja Jakob Raat täämbal mitte kohto ette tulnu ei olle omma nemma selles 15. Junis ette tallitada. 

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX

Kae No 67.