Wana Koiola kogokonna kohtun, Wissel, sel 22 tal webrusril 1871.

Man olliwa kohtowanemba eest Peep Tobree

                                kohtomees    Johan Keerd

                                      do             Mihkel Kurwitz

Kähri wallast Jaan Walz kaibap et tema Peter Pedzo käest 35 rubla eest rehi kambrega tetta kaubeldu olli ilma hööwli tööta - samble pääle üles ragoda, ent Peter Pedzo ei ole lasknu seda tetta, omma edimalt üles ragonu, nink perast sameldanu, mespääle 5 paiwa ara kullunu, kiigil neljal töömehel, nink arwap seda kahjo 17 rbl 40 kopkat weel Peter Pedzo käest kätte saada. -

Peter Pedzo wastutas, et Juri Walz om wõtnu kül 35 rbl tare üles tetta pormandu kambrele ala panda nink akna mulgu walmis tetta - roowi, nink 52 palgi nööra läbi lõigata - ne nööra oma nema kogoni loikamata jätnu, mes eest Peter Pedzo selle töö eest 5 rbl 20 kopkat muile pidanu masma.

Joosep Kollow and tunistust, et palk tare üles ragomise eest om kül 35 rubl lepitu olnu - tare üles ragoda edimalt, nink sis sam(m)eldada, kambrele põrmana ala panda, akna mulgu walmis tetta, kost usse nink akna ette pandmine maha arwata, 52 nööri palgest lawwos läbi loigata; sam(m)eldamise mano om Peter Pedzo om kats meest api lubanu .

Tunistaja Jaan Kelp ütles wälja niisama, kui Joosep Kollow.

Moistetu: Kaebaja wälja ütlemise perra et 37 rbl ära mastu, mes kaubeldust hinnast 2 rbl weel enamb - nink katte tunistaja wälja utlemise perra ne kaebus punkti kauba tingimise sisen olnu.

Kaubeldu hind kätte mastu, seeperast ei saa Juri Walz Peter Pedzo käest midagi. 

                        Kohtowanemba eest Peep Tobree  XXX

                            Kohtomees             Johan Keerd  XXX

                              do                          Mihkel Kurwitz  XXX     

                                            Kirjotaja P Black