Wana Koiola kogokonna kohtun, Wissel, sel 8tal marzil 1871.

Man olliwa kohtowanemb Jaan Pihho

                          kohtomees Peep Tobree

                                do          Johan Keerd

Tulli ette Johan Kurwitz ja kaibas et Jaan Kranziweer tema käest 4 rbl ära warastanu, lukko wallale murdnu nink sis see raha ära wõtnu, pallep et raha katte saas nink saarne kuri töö trahwitus; toiselt kaibap weel et Johan Kranziweer ütskõrd tema kasti wallale wõtnu nink jalle 45 kopkat ära wõtnu, seda om tema kül ara andnu. -

Johan  Kranziweer wastutas, mina ei ole mitte tema raha wotnu ei ka kostel käünu, ent see om kül oige et mina oma wõtmega kastel käwe nink tema 45 kopkat wõtti seda teije mina nalja perast, mes mina ka sissama tagasi ära anni.

Mõistetu: Et Johan Kranziweer see 4 rubl Johan Kurwitz raha ära salgap, ent kõrwalt üttegi tunistust ei ole, seepääle ei saa Johan Kurwitz midagi; ent oma tunistuse pääle, et tema kostil kaunu, nink 45 kopkat toise raha ära wotnu saap Johan Kranziweer 15 witsa lööki. -

Kohtokaujile otsus ette loetu nink suuremba kohto kaumise säädus §  772, 773 nink 774 perra kuulutetu.

                                    Kohtowanemb Jaan Pihho

                                        Kohtomees   Peep Tobree  XXX

                                              do             Johan Keerd  XXX

                                                                                #