Tulli ette Alexander Stammberg nink kaibas Wiksi talu karjapoisi Alexander Luik pääle: 

1. neli heinamaa sulendiku ärälahknu sell 17 Mail sell aastal.

2. Sell 15 Juunil s.a. tõise Wiksi karjusse tummi tema Poiga Peeterit ärätapma saatnu wäitsega.

3. Sell 30. Juunil sell aastal tema peni wigatses pesnu ja ei pidawat mitte koera kolki kaalnu.

4. Sell 4 Juulil s.a. om Aleksander Luik ütelnu, et Tedre maja inemise peab puhas tapetu olema. Nuustaku laades peap Tedre hoonete asemel tuha uniku olema. 

Kaebaja palub kohut õijendada.

Tunnistaja naine Leena Stammberg ütel, et tema nännu, kui Alexander Luik andse wäitse tummi kätte nink näitanu neide (Tedre) karjuste poole ja ajanu tummi sinna. Perast kuulnu neide karjuste tänitamist.

Abikohtumees Jaan Mihkelson ütel, et tema om sääl seda asja ülekaeman ollu nink om nännu, et peni pää mädänu kõrwa alt. Heina olli Wiksi piiri wastu äräsõkutu.

Alexander Luik kutsumise pääle wälja jäänu.

Otsus Tõises kohtupäiwas Wiski talu peremees Johan Kallion ja karjapois Alexander Luik ette kutsu, tuleb ka kaebaja ette.