Wana Koiola kogokonna kohtun, Wissel, sel 12tal april 1871.

Wana Koiola mõisa karja rentnik Johan Zikk kaibap, et Ann Lissetz tema lehmi ööse nüsnu, kohe ta esi mano saanu, ei nõwwa midagi selle et ne lehma olewat tema käen rendi pää

An(n) Lissetz, oma mehega kee eestsaisja, wastutas mina olli karja naine, lätsi karja kaema Johan Zikk tulli takkan. Et mina ütsinda olli nakkas minno kiusama, et minost jako es sa, sis tegi jutto wälja, et mina tema oles nüsnu, seeperast om nüüd meije aasta palk kiigil 3 hengel kokko kinni pantu, nimelt

Mihkel Lissetz om(m)a palka  37 rubl 10 kopk.

naise aasta palka      -              15  -

poisi palka     -                           3   -

2 1/2 leisikat linno    -               7  -    50  -

2 leisikat heringit      -              2  -    80 -

                                 -----------------------------

                          Sum(m)a          65 rubl  40 kopkat

An Lissetz wastutas weel tema kiusas minno Talwiste puhist saadik, mina anni temale mitto kõrda perra- kui see heli kahur kätte lätse, ka tema naine joba kuulda saie - sis tegi selle perast jutto wälja et mina tema lehmi nüsse, henda sellega oiendada, et tema minno wargas saas tetta. Sest mina olli tema karja naine, nink käsk karja kaeda egal odangul, nink muido kuna tarwis olli. -

                                                          Kirjotaja P. Black. -

Mõistetu: Et see palk ja moon mitte Johan Zik käest massa ei ole enge moisawalitsuse käest, kumma käest sis Mihkel Lissetz oma naisega seda peawa nõudma. Warguse perast et lehm oles nüssetu jääp Ann Lissetz prii, see wõip ka olla et wiha perast Johan Zik säärast juttu wälja tegi mis üle niisama tunistust ei ole  - ei sa kumagi poole mõistetus. -

Kohtokäujile otsus ette loetu nink suuremba kohto kaumise säädus § 772, 773 n. 774 perra seletetu.

                              Kogokonna kohtowanemb: Jaan Pihho

                                                     kohtomees      Peep Tobree  XXX

                                                          do                Johan Keerd  XXX

                                                                       Kirjotaja P Black

Johan Zik kuulut et tema selle kohto otsusega rahu ei ole - nõwwap protokoll wälja mes ka lubataus sai. -

Protokoll, sel 14 april walja antu posti pääle. -

                                                                         Kirjotaja P Black