Wana Koiola kogokonna kohtun, Wissel, sel 26tal april 1871.

Man olliwa kohtowanemb J. Pihho

                       kohtomees   Peep Tobree

                              do           Johan Keerd

Moisekatzi mees Jacob Todde kaibap et Aleksander Oinson Tarton käwwen tem(m)a karmanist 29 rubl ara wõtnu, nowwap oma raha tagasi, wargus om olnu Torwandi kõrtsi man. 

Aleksander Oinson wastutas, meije ollime mõlemba ära joonu, mina ei tiija mitte, sest minol olli esi ka 10 rubl, mes olli ära warastetu. 

Jacob Todde panep tunistajas Kähri wallast Jaak Kahre, kee tunistust and: "Aleksander Oinson wõtt Jacob Todeli karmanist, kui ta teda kõrtsi pormandule tõmmas, pungaga raha wälja, lugi üle olli 28 rubl 97 kopkat, kui ära olli loetu, sis pand omma karmanihe; uttel, tema om ara joonu, wast warastas tema raha ära. Kui hommok saije, otsis Jacob Tode omma raha takkan, sis uttel Aleksander Oinson - mina wõtti kül see raha, ent mino käest om ära, kiige oma rahaga warastetu. 

Jakob Todile om ka üttelnu et tema raha wotnu, ent ara warastetu. -

Mõistetu: Et see neide oma juttust selgest nätta, mes ka tunistaja wälja ütlep et Aleksander Oinson see raha henda katte wõtnu, mes tema homogu oma suuga ka ära tunistanu. Selle et see asja pääle üts tunistaja, kogokonna kohtul wannutamise oigust ei ole sis jääp Aleksander Oinson sest nüüd prii, ent kui tunistaja nink Jacob Todi selle pääle wandwa, et Aleksander Oinson raha üttel wotwat, sis peap tema see 28 rubl 97 kopk ära masma. -

Kohtokäujile otsus ette loetu, suuremba kohto käumise säädus § 772, 773 n 774 perra seletetu.

                            Kohtowanemb: J. Pihho

                                 Kohtomees:  Peep Tobree

                                          do          Johan Keerd.