Wanna Koiola kgokonna kohtun, Wissel, sel 26tal april 1871.

Perri mees Mihkel Kaswand kaibap et tema weli Peter Kaswand olli see aasta loosi al, sis om Johan Andreimann henne kätte wõtnu 30 rubl. pästa. Nüüd om Kaswand kuulda saanu et tema üts petja peap olema (kes sääratsel wiisil raha henne kätte korjap) nõwwap oma raha tagasi. -

Johan Andreimann wastutas, et mino käen ei ole üttegi raha, mes ma wõtnu oles. -

Peter Kaswand wastutas, et Johan Andreiman(n) om temale 5 rubl tagasi paknu täämba kohto maaja platsis pääl, mes Peter Lauk om kuulnu. 

Rekrudi andmise aigo om kirjotaja P. Black ka kuulnu, kui Johan Andreimann Mihkel Kaswanduga kõnelden üttelnu, kui see 30 rubl läts, sis läts, kui waene mees enne pästi. 

Peter Lauk and tunistust, et mina kül näi mes nema kõneliwa , ent es kuule mes nema kõneliwa. -

Mõistetu: Et see selge om ,et Johan Andreimann jo minewa aasta petmise ametid om pidanu, nii kui kogokon(n)a ja kihelkonna kohto protokollist Mihkel Warres kaibuse asjan nätta om, ja nüüd kui petja Kaswandu raha henda kätte saanud. Ent Kaswand ei ole kommissionin weel ette sugugi saanu, olli enne teda rekrudi tasa saanu. 

Peter Black kuulmise perra, kui Johan Andreimann üttelnu,"lõpku pääle 30 rubl. Kui waene mees enne passi: sis saap Johan Andreimann kui petja 15 witsa lööki nink peap 14 paiwa sisen u.d. 30 rubl Mihkel Kaswandule ära masma.

Kohtokäujile otsus, suuremba kohto kaumise perast saadus § 772, 773 n 774 perra ette loetu.

Johan Andreimann kuulut et tema selle kohto otsusega rahu ei ole tahap suurembat kohut käwwa, pallel protokoll wälja, mes ka lubatus sai. 

                                      Kogokonna kohtowanemb Jaan Pihho

                                                            kohtomees     Peep Tobree  XXX

                                                                  do              Johan Keerd  XXX

                                                                Kirjotaja P Black

                                                                                                      #

Põlwast Mihkel Hiir kaibap oma wola 15 rubl perast Johan Haidak wastu nink nowwap taamba kätte saada. -

Johan Haidak tunist seda 15 rubl wola wotmist minewa aasta esi tõttes. 

Mõistetu: Et see wõlg awalik, peap Johan Haidak 15 octobril s.a. 15 rubl Mihkel Hiirle ära masma. -

                                  Kohtowanemb: Jaan Pihho

                                     Kohtomees:   Peep Tobree

                                     Kohtomees:   Johan Keerd

                                       Kirjotaja P Black