Mai Trohkim Wennemaalt Panikawitsa kontori alt tulli ette nink tõst Johann Eiche päle kaibust, et se om temma kaddona mehele 9 mõtu karu 5 mõtukeswi 2 mõtu rükki 3 wakka kartolid ja 1 mõõt linna semend wõlgo jänu, nink pallel sedda krami Johann Eiche käest kätte sada.

Johann Eiche and selle päle wastust, et temma kaddona Mihkel Trohkimele middagi wõlgo ei olle.

Mai Trohkim and selle päle Mihkel Mattal ja Anton Andermann wennemalt Panikawitsa kontori alt tunnistajis ülles, kes sedda wõlga wõiwa tõttes tunnistada.

Mihkel Mattal sai selle päle sisse kutsutus, and tunnistust, et kui kaddona Mihkel Trohkim omma surma woti pääl olnu, sis om temma näile sedda ütelnu selle Johann Eiche käest 9 mõtu karo, 5 mõtu keswi, 2 mõtu rükki, 3 wakka kartolid ja 1 mõõt linna semend sada om.

Sedasamma tunnist ka Anton Andermann, et kaddona Mihkel Trohkim om omma tõbbe woti pääl ütelnu selle Johann Eiche käest 9 mõtu karu, 5 mõtu keswi, 2 mõtu rükki, 3 wakka kartolid ja 1 mõõt linna semend sada ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et ette tulnu tunnistuse perra peap Johann Eiche se 9 mõtu karu, 5 mõtu keswi, 2 mõtu rükki, 3 wakka kartolid ja 1 mõõt linna semend 14 päiwa sissen a dato ärra masma.

Se kohtu otsus saije kohtunm käujile kulutedus.

Päkohtumees P Meltz [allkiri]

kohtumees Jakob Eichorn XXX

       "            Peter Päss XXX

Kirjotj.: J.Kirrop