Wana Koiola kogokonna kohtun, Wissel, sel 10tal mail 1871.

Man olliwa kohtowanemba eest S. Harms

                           kohtomees        Peep Tobree

                               do                   Johan Keerd

Peter Black kaibap et tema om Peter Hindreksonile ütte kambre müünu, saina ütsinda nink kolm ust; ent wedamise aiga om Peter Hindrekson, ütte lawwa, nink warjoalutse paari wenitusega ilma lubata ära weenu, mes kauba sisse ei ole lubatu. Raha om Peter Hindrekson wägisi Black naise kätte paknu, kee wasta ei ole wõtnu sis om Peter Hindrekson raha kambre lawwa pääle jätnu. Nõwwap see perast omma kambret tagasi, et Peter Hindrekson tema usaijast paari nink lawwa ära warastanu. 

Peter Hindrekson and seepääle seletust et Peter Black om käsknu seda kambret üle kiige, mes ta wõip anda - om üle kaenu nink see nowwetu hind 4 rubl 50 kopkat masnu, Black om esi weel kasu andnu täämba seda kambret ära wedada. Sis om raha kambren naise kätte ara masnu. - om niipaljo sest kambrest weenu, kui lubatu.

Ent nadali perast om Black oma sulase perra saatnu, seda kambret tagasi tooma, ent mina es anna; see pääle tulli tema esi, tahtse wägisi pääle panda, sis om hobese mant ära ajanu.

Black and weel seletust, ega mina wiije rubla eest omma usaida palgest es woi laske tühjas wedada, kuna mina Peeter Hndreksonile kats käsku anni nee waras-

tetu lawwa nink paari tagasi tuwwa; seeperast, kui tema es too, olli kaup katski - mina lätsi perra nink lasi sulasel niisama raha tema tarre siija kui tema mino pool ostmise aiga tegi. 

Mino sulane Joosep Sell, om ka see raha Peter Hindrekson lawwa pääle pandma, kon ka mino toine sulane Mihkel Haidak man olnu, nink Peter Hindrekson. 

Peter Hindrekson utles et tema seda raha ei ole nännu. -

Moistetu: Peter Black ke utsõrd jo see kambre müünu, ei wõi enamb tagasi tahta, nii kui Black esi edeotsan uttel - et tema möije. -

See om üts kõik, kas raha naise kätte mastu, wai henda kätte, sis es pruugi enamb kambret katte anda, kui raha käen olli.  Black oma wälja utlemise perra, et see raha tema käen olli, mes Hindrekson katte saate. Lawwa paari palgi nink wennituse peap Peter Hindrekson jala päält tagasi wiima Peter Black usaida, ent jääp trahwist prii, selle et seewahel tunistust ei ole.

Kohtokaujile otsus ette loetu, nink suuremba kohto kaumise säädus § 772, 773 n 774 perra kuulutetu.

                             Kohtowanemba eest S.

                                      Kohtomees           Peep Tobree

                                          do                       Johan Keerd

                            Kirjotaja S.

Protokoll Peter Blackle sel 12tal mail s.a walja antu.