Wana Koiola kogokonna kohtun, Wissel, sel 10tal mail 1871.

Man olliwa kohtowanemb Jaan Pihho  XXX

                       kohtomees    Peep Tobree  XXX

                           do               Johan Keerd  XXX

Jaan Jarweots kaibap Peter Käärik pääle, et see teda pesnu. Teda om(m)a muu pereehe öutisiwahi wiinale kutsnu, kon Peter Käärik temale edimalt üttelnu: Kuis see om et minno wargas sõimatas, seepääle om Jaan Järweots üttelnu, ega wõlski ei ole, sina raijet mino mõtsa kül, nink massit trahwi. Sis om Peter Käärik tare usse wallale  lasknu, teda rehe ala wälja löönu, sääl maha tõmmanu, teda maha tõmmanu, kats hoopi päha löönu, nink põlwiga rindo löönu, nii et suust  nõnast weri walja joosnu, om wallawanemba Harms poole lännu, kee üle kaenu. 

Peter Käärik wastutas, Jaan Järweots üttel minole waras, sinol omal latsilgi warasteu rõiwa sälgan, seepääle wõtti mina teda oman taren olga pitte kinni üttelden mine mino maajast walja. 

Jaan Järweots pani tunistajas: Jaan Ostrow, Johan Haidak nink Johan Lutzar.

1. Jaan Ostrow and tunistust: Jaan Järweots sõimas Peeter Kääriket joodikus, wargas nink Rasina kortsi joodikus weel nõija man käujas, sis wõt Peter Käärik teda kinni ja aije omast maajast wälja.

Johan Haidak and niisama tunistust kui Jaan Ostrow.

Jaan Jarweots nõwwap oma pesmise eest 25 rubl, ütlep weel kuis wõip sis see olla, et mina täniti nink keaki es näe ehk kuule.

Mõistetu:  Kats kohtomeest Johan Keerd nink Peep Tobree arwawa et Jaan Järweots nink Peter Käärikele sääratse tüli eest kumbgi 1 rubl trahwi waeste laadike maswa. Kohtowanemb Jaan Pihho arwap, et kats tunistajat omma wälja üttelnu et Jaan Järweots Peter Kääriket trotsnu, sis arwao Jaan Pihho 3 rubl trahwi Jaan Jarweotsal massa, et tõise maajan nii larmitsema nakkas - ent katte kohto mehe arwamine jääp kindmas, nii kui säädus käsep.

                                   Kogokonna kohtowanemb J Pihho

                                                        kohtomees      Peep Tobree  XXX

                                                              do               Johan Kurwitz  XXX

Kohtokäüjile otsus ette loetu nink suuremba kohto käümise säädus § 772, 773 n 774 perra seletetu.

Jaan Järweots kuulut, et tema selle kohto otsusega rahu ei ole, pallel protokoll wälja mes temale lubatus sai. -

                                                                             Kirjotaja P Black

Jaan Järweots protokoll sel 13tal mail 1871 walja wõtnu. 

                                                                                Kirjotaja P Black