Wana Koiola kogokonna kohtun, Wissel, sel 23tal augustil 1871.

Man olliwa kohtowanemb: Jaan Pihho

                       kohtomees    Peep Tobree

                             do             Toomas Hämalane

Jaan Moisto kaibap et Peter Tower tema röa zeol lasknu ära süwwa 1/4 waka maad, nõwwap 1 1/3 wak rüki oma kahjo eest. Sen röan om weel Joosep Jäger nink Peter Konna zea käunu. 

Joosep Jäger and wastust, et mino zea käwewa 2 kord oman röan ei mitte Jaan Moisto röan. 

Peter Tower om ka nännu Joosep Jäger zika sääl röan mes söödu olli. -

Mõistetu: Et Peter Tower zikko üle määrastki tunistust ei ole jääp Peter Tower sest prii, niisama ka Peter Konna, et Joosep Jäger ütles esi oma zea nurmen kaunu olewat - mes ka Peter Tower nännu, massap Joosep Jäger 1 mõõt rüki ja muu kahjo mes om tettu, jääp neide pääle ke awalikus saawa. - 

Kohtukäujile otsus ette loetu, suuremba kohto kaumise säädus § 772, 773 n. 774 perra kuulutetu. 

                         Kohtowanemb: Jaan Pihho

                           Kohtomees:    Peep Tobree

                                 do              Johan Keerd

                                        Kirjotaja P Black