Wana Koiola kogokonna kohtun, Wissel, sel 4tal octobril 1871.

Man olliwa kohtowanemb Jaan Pihho

                       kohtomees   Johan Keerd

                             do            Peep Tobree

Kaibap kroono metsa waht kroono metsaherra asemel Hans Rihm nink toine motsawaht Jaan Jänes Tim(m)o mehe Mihkel Lauk pääle, et see minewa talwel

9 pakku ehk kats palgi pedajat, mes kannu päält 12 tolli jämme kroono metsast warastanu, mes mõtsawaht Hans Rihm tee pääl ööse kinni wõtnu. Hans Rihm nõwap neide katte pedaja eest 7 rbl.

Mihkel Lauk wastutas, nee es ole mitte kroono metsast toodu pedaja enge Peter Lauk jao päält.

Mõtsawaht Hans Rihm pand tunistajas Mihkel Plakso - kee tunistust and et temal üttessa pakku 7 jalga pikka puu pakku pääl olnu, kui motsawaht Hans Rihm kinni wõtnu, nink nee järwe weerde maha kukkunu, ja Peter Lauga mõtsast asemele ragonu kodo weenu. 

Mõtsaherra asemel mõtsawaht Hans Rihm nõwwap ka neide asemel nink neide eest mes Peter Lauk mõtsast ragotu 3 rubl trahwi, selle et see es ole weel mitte Peter Lauga maa külge ara arwatu enge kroono metsa sisen uts hainamaa tük - mes kül wahetamise ala üles wõetu, ent kaardi weel kinnitamata, sis es woi Peter Lauk sääratse kottusse päält, ilma mõtsa herra lubata midagi anda. 

Mõistetu: Et tunistus kül pool, et nee kats pedajat olliwa Mihkel Lauga pääl siski peat Mihkel Lauk see katte palgi pedaja eest, see nowwetu motsatrahwist 7 rbl, niisama ka neide eest mes Peter Lauk motsa tema oma tunistuse perra toonu 3 rbl kroono kassa masma se om kokko 10 rubl 14 paiwa sisen taambatsest paiwast arwatu, nink kwitung siin kohto man ette nautama. - 

Kohto otsus ette loetu suuremba kohtokäumise säädus § 772, 773 n 774 kulutetu.

Mihkel Lauk kuulut, et tema selle kohto otsusega rahu ei ole tahap suuremba kohto käümise protokoll wälja mes ka lubatus sai. -

                             Kohtowanemb J. Pihho

                               Kohtomees     Peep Tobree  XXX

                                 do                  Johan Keerd  XXX