Wana Koiola kogokona kohtun, Wissel, sel 3 nowembril 1871.

Kaibawa Johan Haidak nink Peter Haidak Mihkel Käis pääle, et see kats süld puid ara warastanu ja nõudwa ommi puude eest kiige warguse takkan otsmisega

20 rbl. -

Mihkel Kais wastutas, mina ole nee puu oma sõsaremehe Jaan Kurwitz nink peremehe Jaan Pikk käest Mamaste kulast toonu - nink Jaan Kurwitz käest Himmaste külast. 

Jaan Pikk wastutas, seda ei wõi ma selgest üttelda - ent mina lubasi temale keswa sõõru puid. Jaan Pihho üttel et nee ei ole mitte Pikka keswa sõõru puu enge kewatjatse raotu.

Kui kohtowanemb Jaan Pihho Jaan Pikka oma sõsaremehega kutsnu asend nautama, ent nema ei ole tulnu. -

Wöörmöndre Aado Hurt, ke wargust awitanu takkan otsi and tunistust - et puu korma omma Mihkel Kais küünin olnu. 

Mõistetu: Et Mihkel Käis kiigel wiisil püwwap wabandada, nink nüüd toiste kõneles kui warguse takkan otsmise aigo, nink ei ole nee puu halo Jaan Pikka puu - seeperast massap Mihkel Käis 14 paiwa sisen wõla 5 rbl Johan Haidakule nink Peter Haidakule .-  § 772, 773 n 774 kohto käüjile kuulutetu.

Kihelkonna kohtu een ärra lepno. 

                                  Kogokonna kohtowanemb:

                                                       kohtomees:      Johan Keerd

                                                       kohtomees:      Mihkel Kurwitz

                                                           Kirjotaja P Black