Wana Koiola kogokonna kohtun, Wissel, sel 16tal nowembril 1871.

Man olliwa kohtowanemb: Jaan Pihho

                       kohtomees:   Peep Tobree

                           do               Johan Keerd.

Kaibawa Holwandi Kolga peremehe, nimelt Johan Lutzar, Mihkel Holwandus, Jaan Kolt, et nema andnu luba Peter Hundil külast wälja minna, see pääle et wana platsi paalt hoone, kon kitsas, ära wiip, nink asemelt weel kolm wilja wõttap. Ent nüüd om Peter Hunt soldat Märt Holwandusele  ära müünu, et see sääl asemel jälle elama nakkap; seeperast noudwa kiik Holwandi peremehe, et see plats tühjas jääs, ehk tulgu Peter Hunt tagasi, neide nurme päält ära, kui tema omma leppiungut ei pea. 

Peter Hunt wastutas, et mina ei ole mitte müünu soldatile, et tema sääl elama nakkap, enge peap säält ära weema. 

Soldat Märt Holwason wastutas: Et mina ole ostnu 25 rubl eest, selle pääle see plats, et sääl pääl wõip elama naata. 

Mõistetu: Selge leppingo perra mes Holwandi peremehil om, peap see plats tühjas jääma, nink ei wõi soldat Märt Holwason oma elotust sinna soetada - peap Peter Hunt tema raha 25 rbl tagasi andma. -

Kohtokäujile otsus ette loetu, suuremba kohto kaumise säädus § 772, 773 nink 774 perra kuulutetu. 

Peter Hunt 29 rbl ära masnu. -

                                   Kohtowanemb: Jaan PIhho

                                    Kohtomees       Peep Tobree  XXX

                                          do                 Mihkel Kurwitz  XXX

                                              Kirjotaja P Black