Wana Koiola kogokonna kohtun, Wissel, sel 27 nowembril 1871.

Man olliwa kohtowanemb J. Pihho

                      kohtomees:   Johan Keerd

                      kohtomees: Peep Tobree

Peter Pikk Otsi Kolga peremees kaibap Mihkel Haidak pääle, et see tema mõtsast 16 koiwo ära ragonu, nowwap 16 rbl kahjo tasomist. -

Mihkel Haidak wastutas, et tema ei ole neid koiwa ragonu. 

Wöörmöndre Kurwitz annap seepääle tunistust, et jäle omma neide kando mant Otsi Mihkli poole lännu, kos oma saisma jäänu - om 16 kando üles löudnu seeperra om selge et Mihkel ne kõiwo ragonu.

Mihkel Haidak tunist esi et tema 10 koiwo om ragonu.

Moistetu: Selle, Mihkel Haidak oma tunistuse perra - et tema ragonu massap 3 rbl kahjo tasomist Peter Pikkle 14 päiwa sisen. -