Vana Koiola kogokonna kohtun, Wisel, sel 13tal dezembril 1871.

Man olliwa kohtowanemb: Jaan Pihho

                       kohtomees:   Peep Tobree

                             do             Johan Keerd

Willem Kussal kaibap oma peremehe Johan Lutzar pääle, et see teda pesnu: neli kõrd pääd saina wasta nink neli kõrd kõrwo mööda löönu, nõwwap 1 rbl. -

Johan Lutzar wastutas, tema läts külla ära hulkma, seeperast ai mina teda üles - kui ta es tule mitme äratamise pääle, sis tõmbasi teda asemelt üles, ent mitte es löö. -

Kohtomees Peep Tobree and tunistust: see olla õige et Wilhelm Kussal om külan ümbre joosnu. Ent seda löömise asja ei ole keaki nännu. -

Palka om lubatu 13 rbl  1 rbl om joo ära saanu, mes Wilhelm Kussal ka tunistas.

Johan Lutzar nõwwap, et tema temast wallale wois tettus saada, oma sõna kuulmata oleki eest.

Mõistetu: Et Johan Lutzar säärast sõna kuulmata teenret pitta ei taha sis mõist ka seesinane kogokonna kohus teda § 386 perra wallale. Ent Johan Lutzar peap teenitu aaja eest palka 10 rbl masma weel perra, sest 10 rbl päärahas nink 5 rbl 18 kopkat Andres Plaksole trahwi röa söötmise eest. Nee nimetetu massu peap Johan Lutzar henne käest palga ette ära masma, mitte Willhelm Kussal kätte andma. - Ent 4 rbl 62 kop. massa Wilhelm Kussal kätte, kui kiik roiwa tagasi saanu, mes tema käen om. -

Kohtokäujile otsus ette loetu, suuremba kohto käümise säädus § 772, 773 n 774 perra kuulutetu

                                Kogokonna kohtowanemb:

                                                       kohtomees:   

                                                       kohtomees:

                                                         Kirjotaja P Black