Sel 10 jannuar 1872 Wissel Wanna Koijola koggokonna kohtu man.

Kaibap Josep Kadde Andres Plakso pale et Andres Plakso temmä 15 ajastajalis tüttard hirmsal wisil trotsip - Andres Plakso tannitano talwiste pühhal ülle orro togo Josep omma tüttar sija minna nussi temma ärrä ja jälle koli ehk palwe maija minnen üttelno neid somme habbematu sõnno hulga rahwa sissen nõwwap Josep Kadde et se habbematu trotsmisse eest andres Plakos trahfitus saap. 

Andres Plakso wastutas minnol om Josep Kadde käest sada 5 rublat ja 11 naela rauda se peräst ütli minna to omma tüttar minno kätte sis saap tassa rahha ja raud. 

Josep Kade pand tunnistajas kohtumees Peep Tobre, Jakob Plakso, Jaan Sel ja Jaan Lakkak.

Kohtumees Peep Tobre and tunnistust et Andres Plakso koli tarre tee pääl hulga rahwa sissen om üttel togo Josep Kadde omma tüttar sija minna nussi ärrä sis om walmis.

Jakop Plakso and tunnistust et Andres Plakso tännit keskmatsel pühhäl ülle orro toge Josep Kadde omma tüttar sija minna nussi ärrä omman sängin sis om wõlg tassa kui rahhaga ei sa mastus sis putsiga.

Jaan  Seel and tunnistust ni somma kui Jakkop Plakso. Kolmas tunnistaja Jaan Lakkak tunnistap ke neid sommo sõnno möda. 

Moistetu Andres Plakso piddi kui Josep Kadde temmä wolga ärra es massa kohtuhe kaibama mitte ni habbemata suust walja ajama mes eggal üttel moistlekol innemissel hirmus kuulda om, ja Andres Plakso essi maja perremees om ja laste essa ja ajap ni habbematu suust walja 

Otsus massap Andres Plakso 6 rubblat trahwi nimmelt 3 rublat walla waeste ladikode ja toine 3 rublat kerrigo waeste ladikohe katte näddäli sissen ärrä se om 24 januarini 21 februar 1872 Andres Plakso 3 rublat ärrä masno. 

                                 Koggokonna kohtu wannemb Jaan Pihho

                                                           kohtu mees     Peep Tobre  XXX

                                                               -     -             Johan Kerd  XXX

                                     Kirjotaja assemel Jaan Pihho