Wana Koiola kogokonna kohtun, Wissel, sel 14tal weebruaril 1872.

Man olliwa kohtowanemb Jaan Pihho

                        kohtomees  Peep Tobree

                             do            Johan keerd

Sem(m)el Sabre kaibap, et tema Wõro turust küündle päiwa laadolt s.a. ütte särgi ostnu taga Wõrro tüdriko käest, masnu 4 rbl 50 kopkat, kui see särk saanu ära ostetus, om Jacob Plakso mano tulnu nink tema käest see särgi ära wõtnu omas tunistaden, nõwwap seeperast oma raha mes ülewen nimetetu Jacob Plakso käest kätte saada. 

Jakob Plakso and wastust: suwel 1871 aastal om temal see särk ära warastetu, mes tema ka kogokonna kohto man kaibanu, Semel Sabree pooja pääle arwaten, nink Peter Warres. -

Et nee kats tol kõrral see warguse üle tunistust es anna, es saa mina seda särki mitte kätte. Nüüd sai mina Wõrro ladol Semel Sabre käest kätte, kumba tema ei tiija kas temal warastetu wai ostetu, ei luppa tema oma särki käest ära anda ei ka Semel Sabrele seda nõutud raha, sest kogokonna kohtomees Peep Tobree and ka selle üle tunistust et see Jacob Plakso särk om.

Mõistetu: Et see särk tõtteste Jacob Plakso omadus - jääp ka temale kui omas; ent Semmel Sabre wõip selle käest oma raha takkan otsi kelle kätte ta masnu.

Kohtukaujile otsus ette loetu, suuremba kohto käümise säädus § 772, 773 n. 774 perra kuulutetu. -

                                   Kogokonna kohtowanemb:

                                                   kohtomees:           Peep Tobree  XXX

                                                          do                    Johan Keerd  XXX

                                                   Kirjotaja P. Black