Wana Koiola kogokonna kohtun Wissesl, sel 14tal weebruar 1872.

Man olliwa kohtowanemb: Jaan Pihho

                        kohtomees:  Peep Tobree

                             do             Johan Keerd

Oppetaja herra G. Schwartz kaibuse pääle sel 6tal weebruaril s.a. Peter Ostra, Jaan Sell nink Mihkel Sabree wasta,  raamatude nink raha warguse perast n.n.e.

1. Jaan Sell tulli ette, wastutas - et raamatid om tema kül ütte wõtnu, selle eest jälle tõise numbrid ümbre kirjotamise labi asemele andnu; raha wargusest ei tiija midagi üttelda.

2. Mihkel Sabre wastutas- "tema raha ei ole enamb kui 5 kopkat wõtnu, seegi, kohe ta weel om nii sama paljo mano pandnu opetaja kätte raamatu kassa pääle ära andnu, mes tol ajal olla olnu, kui rahwas sääl om olnu.

Peter Ostra om ka wõtnu raha, ent seda ei tiija üttelda, kui paljo.  

3. Peter Ostra ütles et Mihkel Sabre om teda hirmutanu, seeperast om tema raha 5 kopkat wõtnu, uts raamat om joba wöörmöndre läbi saanu käest ära wõetus mes tema kaen olnu. -

Mõistetu: Jaan Sell, kee raha warguse man ei ole olnu, ent üts raamat ümbre wahetanu, nink Nr walja kratznu - saap selle kurja töö eest 10 witsa lööki. -

Mihkel Sabre, et ta kül ära trahwitu, siski neide wälja ütlemise perra päämees seen wargusen olnu - saap weel 5 witsa lööki. - Peter Kurtsekski utten olnu saap ka 5 witsa lööki. 

Peter Ostra, kee raha nink raamatid warastanu, saap 10 witsa lööki. -

Otsus ett loetu, § 772, 773 n 774 kuulutetu. 

                                             Kog. kohtowanemb:                      

                                                     kohtomees:        Peep Tobree  XXX

                                                         do                    Johan Keerd  XXX

                                                       Kirj. P Black