Wana Koiola kogokonna kohtun, Wissel, sel 14tal weebruaril 1872.

Man olliwa kohtowanemb: Jaan Pihho

                        kohtomees   Peep Tobree

                               do            Johan Keerd

Mihkel Wisse kaibap kõrtsimees Jaan Lutzar pääle, et see teda tenistusest ära ajanu, hiussist kaknu nink üle lawe wälja kukanu, sääl om tema maha sadanu, pää kowasti löönu nõwwap palga, pesmise nink kurajajani moona eest 25 rubl.

Kõrtsimees Jaan Lutzar wastutas, et Mihkel Wisse om minno pool aastaiga warastanu, seda mina ei woi üttelda kui paljo, selle et weitsikese kõrraga wõtnu, om keldre lae läbi sisse käunu 8 naela tubakat kätte saanu mes kogokonna kohtowanemb üle kaenu, Sel kõrral oma saanu temale andis antus, et tem(m)a henda parrandas nink sõna kuuld. Palk om 15 rbl leppitu kost ennegi 3 rbl 70 kopkat sisen om. Mina ei ole teda löönu, enge omast majast wälja heitnu. Rõiwit om Mihkel Wisse kätte jäänu: 1 kask, 2 paari sukke, 2 paari pokse toine linatse toine willatse, 1 must särk, 1 sinine wana kuub, honese kaala kel n. 1 wikkat; nõwwap Mihkel Wisse käest neid rõiwid tagasi.

Mõistetu: Et awalik, et Mihkel Wisse peremeest warastanu, keldrest tubakut walja kanden, saap see eest 10 witsa lööki. Perast seda sõnakuulmata olnu, wõise sääntse suu eest peremees teda ära ajada. Pesmise eest ei ole Mihkel Wissel määrastki tunistust, nisama ka moona noudmise üle - ei sa midagi. 

Palka om 11 rbl 30 kopkat wälja saanu 3 rbl 30 kopka jääp teenimata aja eest sisse. Nimmelt peremehe roiwa peap tagasi wiima: 1 kask, 2 paari pökse n. 1 särk. Peremees Jaan Lutzar peap tema pääraha masma.

Kohtokaujile otsus ette loetu, suuremba kohtu käümise säädus § 772, 773 nink 774 perra kuulutetu.

                             Kogokonna kohtowanemb

                                                kohtumees         Peep Tobree  XXX

                                                   do                     Johan Keerd  XXX

                                            Kirj. P. Black