Wana Koiola kogokonna kohtun, Wissel, sel 14tal weebruaril 1872.

Man olliwa: kohtowanemb Jaan Pihho

                         kohtomees  Peep Tobree

                                   do       Johan Keerd.

Johan Hurt kaibap: tee pääl Jaan Warressega ütten minnen om(m)a nema kuulnu kodo saaden, et neide usaida murreldu. Seda oma Johan Pikk, Johan Moisto nink Mihkel Oina tennu. 

Kodo usaida saijen om Johan Pikk temale wasta tulnu, kelle ta rinnost kinni wõtnu, nink üttelnu, mes teije nii teet, kas tassambast ei wõi kõnele, sääl om Jaan Rööbing mano tulnu, Johan Hurta kinni wõtnu nink pikkale maha löönu, jala kaala pääle pandnu, üttelden, kas tahat, siin om sino surm. -

Jaan Rööbing wastutas, et nema oma kel 11 õdangu Wisse kõrtsin olnu nink saapit wahetanu, omma lännu suurt teed mööda sääl om Johan Pikk pikkale maan olnu, Johan Hurt usaijan, konna Johan Hurt selle kübara ära wõtnu, mes eest tema niisama Johan Hurtale tennu, ja kübara ära wõtnu. 

Jaan Roobing ütles weel, et tema ei ole Johan Hurtle midagi tennu, ei ole ka keaki aida murrelnu - nii haste tema, Johan Pikk kui ka Johan Moisto.

Johan Hurt pand sellepääle Jaan Warres tunistajas.

Jaan Warres ütles, et nema oma Johan Hurt´ka kõrtsist kodo minnen kuulnu, et Johan Hurt usaijan om suur pauk ka olnu. Kui usaijan om Johan Pikk neile wasta tulnu, sis om Johan Hurt teda kinni wotnu, nink küsinu, kes nee tõise olli ke kõrwale ära joosiwa, om Johan Pikk wastutanu, neid mina  es tunne. 

Selsammal silmapilgul om Jaan Rööbing, sinna mano tulnu nink Johan Hurt kinni wõtnu, jala kaala pääle pandnu, üttelden, kas tiijat, siin om sino surm; oma Johan Hurt kübara ka wiimate weel ära wõtnu, sis om see tunistaja järgi lannu nink Johan Pikka kubara ära wõtnu, nink Johan Hurtale paha pandnu, peran seda pesmist. Kes säält kõrwale joosnu, om Johan Moisto nink Mihkel Oina olnu.

Johan Moisto ütles, et tema om Mihkel Oinaga tee pääl saisnu, kui see tüli olli - ja ei olle puttunu selle mano midagi.

Johan Hurt nõwwap oma kubara eest 5 rbl nink pesmise eest 5 rbl.

Mõistetu: Et Jaan Rööbing nink Johan Pikk esi tunistiwa,et nema ööse kel 11 jooma pääl kõrtsin olli ja saapit wahetanu, pääle selle ütte peremehe usaida lännu selle maja peremehega kaklema nink aido murdlema, kon neil ööse kiigewaähembat asja es ole, massap Johan Pikk  kübara eest Johan Hurt´le 5 rbl nink saap 20 witsa lööki, Jaan Rööbing, kui hulkja nink kakleja saap 30 witsa lööki. Johan Moisto nink Mihkel Oina ke kül kaklemise man ei ole olnu, saawa ümbre hulkmise eest kumbgi 15 witsa ööki. 

Kohtokäujile otsus ette loetu, suuremba kohto käümise säädus § 772, 773, n 774 perra kuulutetu.

Jaan Roobing, Jaan Pikk nink Johan Moisto kuulutiwa, et nema selle kohto otsusega rahu ei ole pallesiwa protokoll wälja, mes ka lubatus saanu. -

Johan Hurt Jaan Robingele andis andno. 

                                 Kohtowanemb:

                                 Kohtomees:      Peep Tobree  XXX

                                     do                   Johan Keerd  XXX

                                            Kirjotaja P. Black

Johhan Pik ka andis Johhan Hurt käest sano ja kübbar taggasi sano.