Rein Habsalon kaibas, et temma minnewa süggise Karl Wernik käest ütte wakka (seemen) linnaseemnid om 6 rubla eest ostnu, ent nüüd kui ne seemne mahha külwetus sanu, ollewat paljo kassumata jänu."

Karl Wernik kostis, et se kül õige om, et temma Rein Habsalonile 1 wakka linnaseemnid, mis Waltina kaupmehhe käest ostetu, 6 rubla eest müünu, nink ollewat ka neide seemnede sissen purru olnu.

Otsus.

Kui nüüd Karl Wernik tunnistas, et ne linna seemne mitte puhta es olle om se kohhus mõistnu, et Karl Wernik Rein Habsalonile 3 rubla kahjotassumist peab 2 näddala sissen masma. 

Pää Kohtomees Märt Lüüs ja wöörmünder Karl Raam omma sedda linnamaad ülle kaenu nink lõidnu, et se linna kül wäega  harw olnu. 

Suremba kohton käumisse sädus om neile kohton käujatele ette loetus sanu.

Appellation keeltud, et assi mitte 5 rubla wäärt arwatud.

Rein Habsalonile sai sel 13. Julil s.a. Appellation täht wälja antus.

Päkohtomees Märt Lüüs XXX

Kohtomees Jaan Treumuth XXX

  "  Werdi Leinus XXX

  "  Juk Hansi XXX

  "  Andrus Püwwi XXX