Wanna Koijola koggokonna kohtun Wissel sel 21 febroar 1872

Man olliwa koggokonna kohtu wannemb Jaan Pihho

                                        kohtomees           Peep Tobree  XXX

                                            do                      Johhan Keerd  XXX

Põlwast, kaupmees her Miller, kaibap et temmäl süggise, üts kässi toppeld hoowli, rist saag, kässi saag nink laude oma ärrä warrastedu, hööwlist om teedmist sano Johhan Kurwitze käest et Peter Kaddajal olli sänätänne hööwli kui teil ärrä warrastedu ütlet ollew ja üttel Tartost ostwat nink 75 kopkat andwat; ja nõwwap kaupmees her Miller neide asjade eest Pihu Kaddaja käest 25 rublat.

Peter Kattai wastutas, minna ei olle mänästki hööwlit warrastano weel wähhämb muid asjo ja ei tija sest asjast middagi.

Kui kaupmees her Miller hööwlit Petere Kaddaja pole takkan otsma lätse wõtte koggokonna kohtu wannemb Jaan Pihho ütten kui Pihho küsse Petre Kaddaja käest anna se hööwli wälja mes Tartost ollet ostno sis tõije Petre Kattai ütte prostoi hoowli ja üttel kae se om se hoowli.

Sis sai Johhan Kurwitz kutsutus ja küssitus kas se om se hoowli mes Petre Kattai Tartost ostno kui Johan Kurwitz kaije ja üttel se ei olle too sis üttel Petre Kattai ta samma om sis kai weel Johhan Kurwitz hoowli läbbi ja heit mahha nink üttel mes sinna wõlset egga minna lats ei olle et minna ärrä ei tunne mes minna näije mes Tartost ütlit ostwat. -

Petre Kattai üttel otske minno läbbi sis wastut koggokonna kohtu wannemb Jaan Pihho anna se hööwli wälja mes Tartost ütlit ostwat jäät pri sest asjast ja kui sinna mitte ei anna tullet kohtu manno kui sinno ajetas.

Moistetu et Petre Kattai mitte seddä hööwlit wälja es anna mes temmä Tartost Johhan Kurwitzet wasta üttel ostwat, jääp Petre Kattai kohtu arwamisse perrä kui warkuse salgaja ehk wasta wõtja. -

Otsus  Petre Kattai peap kaupmees her Millerile 10 kumme rublat katte näddali sissen sest mõistmise päiwast arwata masma hööwli kahjo ja trahwi nink aja witmisse eest, ent muide asjo ülle woip kaupmees her Miller nõuda kui tunnistust saap. - 

Kohtu otsu ette loetu.

Kaupmees her Miller rahho olno ent Petre Kattai nõwwap suurembat kohhut mes ka lubbatu ja oppus leht kätte antu

                  Koggokonna kohtu wannemb J Pihho

                                        kohtumees          Peep Tobre  XXX

                                             toine                Johhan Keerd  XXX

Kirjotaja assemel koggokonna kohtu wannemb    Jaan Pihho

Petre Katai protokolli walja sano 28 febr 1872