Wana Koiola kogokonna kohtun, Wissel, sel 21tal weebruaril 1872.

Man olliwa kohtowanemb: Jaan Pihho

                       kohtomees    Peep Tobree

                             do             Johan Keerd

Põlwa oppetaja Herra kirja pääle, sel 11tal weebruaril s.a. Nr 160. kaibus Peter Warres, Joosep Sell, Johan Jäger nink Mihkel Konna wasta - Ewa Kais peran kiusamise ehk haiget saamise perrast  - mis läbi see tütrek olla surma saanu; - ette kutsutus:

1, Peter Wares wastutas: meije es tee temale kiige wähemb haiget, sest Ewa Kais joosk Johan Jäger´le järgi Aaso Hurt usaija pääl ja wõtse selle kaest ütte pähkna ära;  - enne seda om Ewa Kais toiste poissaga wägi pulka wedanu. -

2, Joosep Sell wälja ütlemine käup Peter Warres juttuga ütte.

3, Mihkel Konnal nink Johan Jäger´el ka niisama, et üle ültse neide kone üts ja sama om. -

Wöömöndre Aado Hurt, kes Ewa Kais peremees olli, nink selle tütrekuga tohtre man käunu, kui wägi pulga wedamine nink see küla poissa hulkmine mööda olli. Selle soidu pääl, tohtre mano minen om Ewa Kais omale peremehele üttelnu: " Se häda sai minol Põlwast, kängsep meistre man, känga mõõdu wõtmisest, kes minoga kolm tundi aiga hullas, et mino iho wäega kuumas läts - mispääle ka tohtre herra om tunistanu et see tõbi külmast om saanu: sest om arwata, et kängsepa poolt kuuma ihoga kodo tullen Ewa Kais henda ära külmet - mes perast ta ka koolda wõis."

Otsus: Selle asja üle ei wõi kogokonna kohus midagi mõista - niisama neid poissa kuigi kõweras arwata, olgu sis, et kängsep meistre mõõdu wõtmise man see lugu oli - kost tütrek henda külma wiga sai - wai muud; wõip opetaja herra seda asja oma soowimist mööda kas kottusse kogokonna kohtu seletamises kelle ala kängsep puttup, ehk maa kohtu katte - kos ka Wanna Koiola poisi weel saawa kuultus, kuis Ewa Kais surma haigus om saanu - anda.

                      Kog. kohtowanemb:

                                  kohtomees:   Peep Tobree 

                                  kohtomees    Joh. Keerd.